Aýdandyq búdjetten 2018 jylǵa 30 eldi mekenge aýyz sý berý maqsatynda sý júıeleri men uńǵymalaryn kútip ustaý jáne aǵymdaǵy jóndeý jumystaryna 175 mln. 961 myń teńge qaralyp, qazirgi tańǵa 106 mln. 200 myń teńgesi ıgerildi.
Ústimizdegi jyly aýdandaǵy eki eldi mekenniń (Arystandy, Boraldaı aýyly) aýyz sý júıesiniń qurylysyna jobalyq smetalyq qujattamasy ázirlenip, qurylys montaj jumystaryn júrgizý úshin búdjetten qarjy qarastyryldy. Sol sıaqty Jýsansaı eldi mekeni aýyz sý júıesi qurylysyna jobalyq smetalyq qujattamasy ázirlenip, qurylys jumystaryn júrgizý úshin salalyq basqarmaǵa tıisti qujattary usynylǵan.
Al Kemer, Aqsary, Nura jáne Qyzylseńgir aýldaryna aýyz sý júıesiniń qurylys jumystaryn júrgizý jobalyq-smetalyq qujattamasy ázirlenip, saraptamadan ótkizý jumystary júrgizilýde. Aqqoıly, Sarytoǵaı jáne Qarabastaý eldi mekenderine aýyz sý júıesi qurylysyna sáýlet josparlaý tapsyrmasy /APZ/ ázirlengen.
Aýdandyq búdjetten JSQ ázirleýge qarjy qarastyryldy. Qaraspan aýylynyń aýyz sý qoryn zertteýge JSQ daıyndalyp, sý qoryn zertteýge oblystyq búdjetten qarjy qarastyrylǵan. Qazirgi ýaqytta sý qory zerttelýde. Qaraspan aýyl okrýgine qarasty alty eldi mekenge Beısen, Saryaryq, Maqtashy, Juldyz, Yntymaq jáne Mádenıet burǵylaý jumystaryna JSQ ázirleýge oblystyq búdjetten qarjy qaralyp, JSQ ázirlenýde.
2021 jyly aýdandy 100 paıyz sapaly aýyz sýmen qamtý josparlanýda
Dalanews.kz
