اۋداندىق بيۋدجەتتەن 2018 جىلعا 30 ەلدى مەكەنگە اۋىز سۋ بەرۋ ماقساتىندا سۋ جۇيەلەرى مەن ۇڭعىمالارىن كۇتىپ ۇستاۋ جانە اعىمداعى جوندەۋ جۇمىستارىنا 175 ملن. 961 مىڭ تەڭگە قارالىپ، قازىرگى تاڭعا 106 ملن. 200 مىڭ تەڭگەسى يگەرىلدى.
ۇستىمىزدەگى جىلى اۋدانداعى ەكى ەلدى مەكەننىڭ (ارىستاندى، بورالداي اۋىلى) اۋىز سۋ جۇيەسىنىڭ قۇرىلىسىنا جوبالىق سمەتالىق قۇجاتتاماسى ازىرلەنىپ، قۇرىلىس مونتاج جۇمىستارىن جۇرگىزۋ ءۇشىن بيۋدجەتتەن قارجى قاراستىرىلدى. سول سياقتى جۋسانساي ەلدى مەكەنى اۋىز سۋ جۇيەسى قۇرىلىسىنا جوبالىق سمەتالىق قۇجاتتاماسى ازىرلەنىپ، قۇرىلىس جۇمىستارىن جۇرگىزۋ ءۇشىن سالالىق باسقارماعا ءتيىستى قۇجاتتارى ۇسىنىلعان.
ال كەمەر، اقسارى، نۇرا جانە قىزىلسەڭگىر اۋلدارىنا اۋىز سۋ جۇيەسىنىڭ قۇرىلىس جۇمىستارىن جۇرگىزۋ جوبالىق-سمەتالىق قۇجاتتاماسى ازىرلەنىپ، ساراپتامادان وتكىزۋ جۇمىستارى جۇرگىزىلۋدە. اققويلى، سارىتوعاي جانە قاراباستاۋ ەلدى مەكەندەرىنە اۋىز سۋ جۇيەسى قۇرىلىسىنا ساۋلەت جوسپارلاۋ تاپسىرماسى /اپز/ ازىرلەنگەن.
اۋداندىق بيۋدجەتتەن جسق ازىرلەۋگە قارجى قاراستىرىلدى. قاراسپان اۋىلىنىڭ اۋىز سۋ قورىن زەرتتەۋگە جسق دايىندالىپ، سۋ قورىن زەرتتەۋگە وبلىستىق بيۋدجەتتەن قارجى قاراستىرىلعان. قازىرگى ۋاقىتتا سۋ قورى زەرتتەلۋدە. قاراسپان اۋىل وكرۋگىنە قاراستى التى ەلدى مەكەنگە بەيسەن، سارىارىق، ماقتاشى، جۇلدىز، ىنتىماق جانە مادەنيەت بۇرعىلاۋ جۇمىستارىنا جسق ازىرلەۋگە وبلىستىق بيۋدجەتتەن قارجى قارالىپ، جسق ازىرلەنۋدە.
2021 جىلى اۋداندى 100 پايىز ساپالى اۋىز سۋمەن قامتۋ جوسپارلانۋدا
Dalanews.kz
