Шығыс Қазақстанда су тасқыны кезеңіне дайындық бойынша брифинг өтті, деп хабарлайды Dalanews.kz ШҚО әкімдігінің баспасөз қызметіне сілтеме жасап
Бүгінгі таңда Күршім ауданында, Алтай ауданында, Глубокое ауданының кей жерлерінде қардың көп мөлшері байқалады.
"Қазгидромет" РМК ШҚ филиалының қызметкерлері ШҚО ТЖД мамандарымен бірлесіп Алтай, Үлкен Нарын, Күршім және Марқакөл аудандарында қар қорының мөлшеріне тексеру жүргізді. Қар өлшеуіш түсірілімдерінің нәтижелері бойынша осы аудандарда қар жамылғысындағы су қорының артуы да тіркелді.Су объектілерінде мұз құбылыстарының әлсіреуі байқалады.
"Облыс аумағындағы қар қорын, сондай – ақ наурыз айында жаңбыр мен қар түрінде қатты жауын-шашынның түсуін ескере отырып, мұз қабатының ерте ашылуы және жергілікті және беткейлі кағындардың қалыптасуы мүмкін", - деді" Қазгидромет" РМК ШҚ филиалының гидрология бөлімінің бастығы Іңкәр Асқарова брифингте.
"Қазіргі уақытта жергілікті атқарушы органдар алдын алу шараларын жүргізуде. Облыс бойынша 204 мың текше метр қар шығарылды, 49 канал тазартылды және тереңдетілді, 258 арық 1259 су өткізу құрылыстары, 228 көпір тазартылды", - деді ШҚО әкімі аппаратының жұмылдыру дайындығы бөлімінің басшысы Еркен Сәрсембинов.
Алтай ауданындағы Бұқтырма өзенінде, Күршім ауданындағы Күршім өзенінде, Шемонаиха ауданындағы Уба өзенінде, Глубокое ауданында және Риддер қаласында профилактикалық жарылыс жұмыстарын жүргізу қажет өзендердің учаскелері анықталды.
Бүгінгі таңда Шемонаиха ауданында жарылыс жұмыстары жүргізіліп, мұзды ұсақтау алаңы 30000 текше метрді құрады.
Жағдай қиындаған жағдайда жергілікті атқарушы органдармен азаматтық қорғау қызметтері құралымдарының күшімен құралдарының 2334 адамнан тұратын топтамасы, 735 бірлік техника, сондай-ақ 61 бірлік жүзу құралдарымен 223 мотопомпалар қалыптастырылды. Су тасқыны салдарын жою және халықты эвакуациялау үшін ШҚО ТЖД-да 26 бірлік жоғары өтімді техника бар.
Шығыс Қазақстан облысына Алтай ауданында және Күршім ауданында су тасқынына қарсы жұмыстарға мониторинг жүргізу және жәрдем көрсету үшін 68303 Семей қаласының ә/б әскери қызметшілері жіберілді. Қазіргі уақытта әскери қызметшілер жергілікті атқарушы органдарға арықтар мен каналдарды тазартуға көмектеседі. Бүгінгі таңда Алтай ауданында 4 су өткізу құбырымен 60 м арық және Күршім ауданында 250 метр арық тазартылды.
Облыс бойынша қалалар мен аудандардың әкімдіктері жалпы сыйымдылығы 17 мыңнан астам адамды құрайтын 153 халықты уақытша орналастыру пунктін белгіледі.
"Құтқарушылар үйлерді аралап, су басу қаупі бар елдімекендердегі халыққа аула аумағын қардан тазарту, арықтарды мұздан тазарту қажеттілігі туралы нұсқау береді, бұл еріген суды бұруды қамтамасыз етеді.
Мүмкіндігінше қаптың және жасанды инертті материалдардың болуы. Ұсыныстармен су тасқыны қаупі бар елді мекендердің 19000 – нан астам тұрғыны қамтылды", - деді ШҚО ТЖД ТЖ алдын алу басқармасы бастығының міндетін атқарушы Дина Бексұлтанова.
Бүгінгі таңда облыс бойынша жағдай тұрақты және үнемі бақылауда.
