«Сапалық өзгерістердің уақыты келді! 19 наурыз – сайлау күні! Бұл күні біз Жаңа Қазақстанды таңдағанымызды дәлелдеуіміз керек! Елге нақты өзгерістер керек!» - деді Хасенов.
Ол осыдан кейін тек несиесі жоқтардың қолын көтеруді өтініп, жиылған қауымға сөз сөйледі. Жиналғандардың арасында бұл санаттағы адамдар өте аз, небәрі 20 пайыз.
«Бұлай болмауы керек! Міне, Respublica партиясы сіздердің алдарыңызда, тең дәрежеде пікірлесіп тұр! Біз жақсы жағдайдың бәрі халыққа жасалатындай өзгеріс жасағымыз келеді!», – деп түйіндеді сөзін Махамбет Хасенов.
Митингке қатысушылардың бірі партия мүшелерінің жастығына тоқталып, Қазақстанның қазіргі білім жүйесіне көңілі толмайтынын жеткізді.
Қала тұрғыны: « Қазіргі жағдайды Respublica өзгерте ала ма?» деп сұрады.
Бұған партия төрағасы жауап берді. Ол партия мүшелерінің орташа жасы 37 екенін баса айтты.
«Respublica партиясының «қариясы» және ең үлкені – мен және тең төрағамыз – С.Тау. Екеуміздің де жасымыз 40-қа толмаған.
Ал сіздің жүйені өзгерте аламыз ба деген сауалыңызға қатысты айтарым, мың мильдік жол бірінші қадамнан басталады. Біз, жастар, жарқын болашаққа өз жолымызды өзіміз жасауымыз керек!
Ортақ мәселеміз - қазіргі таңда бұрыннан бар дүниелерімізді сақтай алмадық және жаңа нәрсені өзіміз жасай алмадық. Сондықтан біздің сайлауалды тұғырнамамыздың негізгі тезисі – «Respublica. Restart. Reforma. Біз отандастарымыздың сапалы өмір сүруі үшін жаңа нәрселер жасағымыз келеді», - деп түйіндеді сөзін Respublica басшысы.
