«Sapalyq ózgeristerdiń ýaqyty keldi! 19 naýryz – sailaý kúni! Bul kúni biz Jańa Qazaqstandy tańdaǵanymyzdy dáleldeýimiz kerek! Elge naqty ózgerister kerek!» - dedi Hasenov.
Ol osydan keiin tek nesiesi joqtardyń qolyn kóterýdi ótinip, jiylǵan qaýymǵa sóz sóiledi. Jinalǵandardyń arasynda bul sanattaǵy adamdar óte az, nebári 20 paiyz.
«Bulai bolmaýy kerek! Mine, Respublica partiiasy sizderdiń aldaryńyzda, teń dárejede pikirlesip tur! Biz jaqsy jaǵdaidyń bári halyqqa jasalatyndai ózgeris jasaǵymyz keledi!», – dep túiindedi sózin Mahambet Hasenov.
Mitingke qatysýshylardyń biri partiia músheleriniń jastyǵyna toqtalyp, Qazaqstannyń qazirgi bilim júiesine kóńili tolmaitynyn jetkizdi.
Qala turǵyny: « Qazirgi jaǵdaidy Respublica ózgerte ala ma?» dep surady.
Buǵan partiia tóraǵasy jaýap berdi. Ol partiia músheleriniń ortasha jasy 37 ekenin basa aitty.
«Respublica partiiasynyń «qariiasy» jáne eń úlkeni – men jáne teń tóraǵamyz – S.Taý. Ekeýmizdiń de jasymyz 40-qa tolmaǵan.
Al sizdiń júieni ózgerte alamyz ba degen saýalyńyzǵa qatysty aitarym, myń mildik jol birinshi qadamnan bastalady. Biz, jastar, jarqyn bolashaqqa óz jolymyzdy ózimiz jasaýymyz kerek!
Ortaq máselemiz - qazirgi tańda burynnan bar dúnielerimizdi saqtai almadyq jáne jańa nárseni ózimiz jasai almadyq. Sondyqtan bizdiń sailaýaldy tuǵyrnamamyzdyń negizgi tezisi – «Respublica. Restart. Reforma. Biz otandastarymyzdyń sapaly ómir súrýi úshin jańa nárseler jasaǵymyz keledi», - dep túiindedi sózin Respublica basshysy.
