Қазақстанда жасанды интеллект технологиялары арқылы түсірілген фильмдерге арналған халықаралық фестиваль ұйымдастырылмақ, деп хабарлайды Dalanews.kz.
Ауқымды іс-шара 2026 жылдың күзінде өтеді деп жоспарланып отыр. Ол әлемнің түкпір-түкпірінен креаторларды, сарапшыларды және технологиялық компания өкілдерін бір алаңға жинайды.
Фестиваль тек кино көрсетілімдерімен шектелмей, жасанды интеллект индустриясын дамытуға, сондай-ақ жаңа форматтағы контентті кеңінен насихаттауға бағытталады.
Жүлде қоры 1 миллион АҚШ долларын құрайды.
Бағдарламаға қысқаметражды фильмдер байқауы, конференциялар, арнайы көрсетілімдер және халықаралық сарапшылар қатысатын кәсіби пікірталастар енгізілген.
