Владимир Путин Қазақстанға келеді, - деп хабарлайды Dalanews.kz.

Көрші елдің президенті Владимир Путин Қазақстанға қарашаның аяғында келуді жоспарлап отыр. Бұл туралы оның баспасөз хатшысы Дмитрий Песков мәлімдеді.

"Сапарға шынымен де белсенді түрде дайындық жүріп жатыр. Күндерін уақтында хабарлаймыз",- деді Песков.

Айта кетейік, Путиннің бұған дейінгі сапары биыл шілдеде болды. Ол ШЫҰ саммитіне қатысу үшін Астанаға келді.

Ресей Федерациясының президенті Владимир Путинді әуежайда Қазақстан Республикасының премьер-министрі Олжас Бектенов қарсы алған болатын.

Владимир Путин Шанхай ынтымақтастық ұйымының саммитіне қатысты.

Үкімет мәліметіне сүйенсек, 5 жыл ішінде Қазақстанның ШЫҰ елдерімен тауар айналымы 56,5%-ға өсіп, $66 млрд құрады. 2024 жылғы қаңтар-сәуірде ұйым ішіндегі өзара сауда көлемі $19,1 млрд құрады. Осы кезеңде ҚР мен РФ арасындағы тауар айналымы $7,4 млрд құрады.