Әлемдік және дәстүрлі діндер лидерлерінің VII съезінің ресми өкілі Назым Жанғазинова Рим Папасының қолынан мерейтойлық медаль алды. Бұл жаңалықпен Назым Жанғазинова Facebook желісіндегі парақшасында бөлісті.
«Менің өмірімдегі алғашқы медалім. Бұл - Рим папасынан», – деп жазды Назым Жанғазинова.
Еске сала кетейік, Рим Папасы Франциск 13 қыркүйекте Қасым-Жомарт Тоқаевтың шақыруымен Қазақстанға ресми сапармен келді.
Рим Папасы 14 қыркүйекте Әлемдік және дәстүрлі діндер көшбасшыларының Vll съезінің ашылуына қатысты. Сонымен қатар, понтифик Қазақстан астанасында 7 мыңнан астам адам қатысқан Қасиетті месса өткізді.
