Goldman Sachs мұнай бағасының төмендеуіне байланысты біздің өңірдің макроэкономикалық көрсеткіштеріне қатысты болжамды қайта қарап шықты. Жаңа болжамға сәйкес, Brent макарлы мұнайдың бір баррелі 2025 жылы 62 доллар, 2026 жылы 55 доллар болуы мүмкін, деп хабарлайды Dalanews.kz.
Ең бастысы, болжамдағы оң құбылыс АҚШ экономикасында рецессия болмайтыны және ОПЕК+ елдері мұнай өндірісі көлемін шектеп болсын, өсіруі болып табылады.
Қазақстанға қатысты болжам:
- ЖІӨ өсімі 2025 жылы: +5.2% (2024 жылғы +4.8%-дан кейін), ал одан кейін экономиканың өсу қарқыны баяулап, 2026 жылы +4.1%, 2027 жылы 4.3% болуы ықтимал.
- Инфляция: 2024 жылғы 8.7%-бен салыстырғанда 2025 жылы 9.7% құрайды. Инфляция өсімі одан кейінгі жылдары тежеле бастайды, яғни 2026 жылы 7.3%, 2027 жылы 5.9%-ға дейін.
- Базалық мөлшерлеме қазіргі 15.25%-дан 2025 жылдың соңына дейін 17.00%-ға өсуі мүмкін. Ал одан кейінгі жылдары тек төмендеу тіркеледі деп болжанады: 2026 жылы - 15.00%, 2027 жылы - 11.00%, 2028 жылы - 9.00%. Бұл сыртқы сыни-тегеуіріндер аясында инфляцияны ауыздықтау амалдарын танытатыны да нақтыланады.
"Тұтастай алғанда, Қазақстан мұнай бағасының төмендеуі түріндегі сыртқы қысымның бір бөлігін ішкі сұраныспен және фискалдық икемділікпен өтейтін болады. Бұл ретте Ақша-несие саясатын қатаңдату инфляцияны басқаруда Ұлттық Банк сүйенетін негізгі құралы болып қала береді. Ал Қазақстанның өзі CEEMEA-ның ішіндегі ең жылдам дамып келе жатқан экономикалардың бірі болып қала береді. Біздің аймақта GS көбінесе Үйрек еті екенін түсіну керек, бірақ ставка бойынша күту нарық", делінген америкалық ірі инвестициялық банк болжамында.
Бұған дейін Еуразиялық Тұрақтандыру және даму қорының макроэкономикалық болжамдарын жариялаған болатынбыз. Оған сәйкес, Қазақстанда инфляция үдей түскенімен, экономика тұрақты болып табылады. Сондай-ақ қаржы саласының сарапшысы Арман Бейсембаев мұнай бағасы жыл соңына дейін төмен күйде қала беретін болса, жақын преспективадағы 1 АҚШ доларының құны 530 теңге, ал жыл соңында 580 теңгені құрауы мүмкін екенін болжаған. Ол мұнай бағасы төмендесе, Қазақстанда АҚШ долларының бағамы өсетінін, бұл қалыпты заңдылық екенін нақтылаған.
