Бұрынғы Мәжіліс депутаты Мақсат Толықбай Алматы облысы әкімінің кеңесшісі қызметіне тағайындалды, деп хабарлайды dalanews.kz.
Бұл туралы журналист, Алматы облысының баспасөз хатшысы Диас Нұрақын әлеуметтік желідегі парақшасында хабарлады.
Оның жазуынша, экс-мәжілісмен енді Алматы облысының дамуына атсалысады. Мақсат Толықбай депутат болып жүрген кезінде де өңір туралы жиі айтып, облыстың мәселелерін көтеріп жүрген.
«Мақсат Мәлікұлына сәттілік! Алматы облысындағы қызметі абыройлы болсын!» – деп жазды Диас Нұрақын.
Мақсат Толықбай 2023-2026 жылдары Қазақстан Республикасы Парламенті Мәжілісінің депутаты болды.
