Мемлекеттік грантпен оқуға түскендердің тізімі 10 тамызға дейін жарияланды. Бұл туралы бүгін Ғылым және жоғары білім министрлігінің баспасөз қызметі хабарлады. Құзырлы министрлік жариялаған күнтізбеге сәйкес, негізгі ҰБТ 16 мамыр мен 7 шілде аралығында өтеді, деп хабарлайды Dalanews.kz.
2025-2026 жылдары еліміздің жоғары оқу орындарына оқуға түсу бойынша талапкерге арналған күнтізбеге сәйкес:
- Негізгі ҰБТ 16 мамыр мен 7 шілде аралығында өтеді;
- ЖОО-ға құжаттарды қабылдау 20 маусым-25 тамыз аралығын қамтиды;
- "Педагогикалық ғылымдар" және "Денсаулық сақтау" мамандықтарына түсушілер үшін арнайы емтихандар 20 маусым-20 тамыз аралығында (конкурсқа қатысу үшін 20 шілдеге дейін өткізіледі);
- Шығармашылық емтихандарға қатысу үшін өтініштер 20 маусым-10 тамыз (конкурсқа қатысу үшін 7 шілдеге дейін) аралығында қабылданады;
- Шығармашылық емтихандар 7 шілде-15 тамыз (конкурсқа қатысу үшін 20 шілдеге дейін) аралығында өтеді;
- Білім беру гранттары конкурсына қатысуға өтініштер 13 шілде-20 шілде аралығында қабылданады;
- Грант иегерлерінің тізімі 10 тамызға дейін жарияланады.
Министрлік қосымша ақпаратты ЖОО ресми парақшалары мен сайттарынан алуға болатынын және 2025-2026 оқу жылына қабылдану үшін маңызды күндерді өткізіп алмауды ескертеді.
