Memlekettik grantpen oqýǵa túskenderdiń tizimi 10 tamyzǵa deiin jariialandy. Bul týraly búgin Ǵylym jáne joǵary bilim ministrliginiń baspasóz qyzmeti habarlady. Quzyrly ministrlik jariialaǵan kúntizbege sáikes, negizgi UBT 16 mamyr men 7 shilde aralyǵynda ótedi, dep habarlaidy Dalanews.kz.
2025-2026 jyldary elimizdiń joǵary oqý oryndaryna oqýǵa túsý boiynsha talapkerge arnalǵan kúntizbege sáikes:
- Negizgi UBT 16 mamyr men 7 shilde aralyǵynda ótedi;
- JOO-ǵa qujattardy qabyldaý 20 maýsym-25 tamyz aralyǵyn qamtidy;
- "Pedagogikalyq ǵylymdar" jáne "Densaýlyq saqtaý" mamandyqtaryna túsýshiler úshin arnaiy emtihandar 20 maýsym-20 tamyz aralyǵynda (konkýrsqa qatysý úshin 20 shildege deiin ótkiziledi);
- Shyǵarmashylyq emtihandarǵa qatysý úshin ótinishter 20 maýsym-10 tamyz (konkýrsqa qatysý úshin 7 shildege deiin) aralyǵynda qabyldanady;
- Shyǵarmashylyq emtihandar 7 shilde-15 tamyz (konkýrsqa qatysý úshin 20 shildege deiin) aralyǵynda ótedi;
- Bilim berý granttary konkýrsyna qatysýǵa ótinishter 13 shilde-20 shilde aralyǵynda qabyldanady;
- Grant iegerleriniń tizimi 10 tamyzǵa deiin jariialanady.
Ministrlik qosymsha aqparatty JOO resmi paraqshalary men saittarynan alýǵa bolatynyn jáne 2025-2026 oqý jylyna qabyldaný úshin mańyzdy kúnderdi ótkizip almaýdy eskertedi.
