مەملەكەتتىك گرانتپەن وقۋعا تۇسكەندەردىڭ ءتىزىمى 10 تامىزعا دەيىن جاريالاندى. بۇل تۋرالى بۇگىن عىلىم جانە جوعارى ءبىلىم مينيسترلىگىنىڭ باسپا ءسوز قىزمەتى حابارلادى. قۇزىرلى مينيسترلىك جاريالاعان كۇنتىزبەگە سايكەس، نەگىزگى ۇبت 16 مامىر مەن 7 شىلدە ارالىعىندا وتەدى، دەپ حابارلايدى Dalanews.kz.
2025-2026 جىلدارى ەلىمىزدىڭ جوعارى وقۋ ورىندارىنا وقۋعا ءتۇسۋ بويىنشا تالاپكەرگە ارنالعان كۇنتىزبەگە سايكەس:
- نەگىزگى ۇبت 16 مامىر مەن 7 شىلدە ارالىعىندا وتەدى؛
- جوو-عا قۇجاتتاردى قابىلداۋ 20 ماۋسىم-25 تامىز ارالىعىن قامتيدى؛
- "پەداگوگيكالىق عىلىمدار" جانە "دەنساۋلىق ساقتاۋ" ماماندىقتارىنا تۇسۋشىلەر ءۇشىن ارنايى ەمتيحاندار 20 ماۋسىم-20 تامىز ارالىعىندا (كونكۋرسقا قاتىسۋ ءۇشىن 20 شىلدەگە دەيىن وتكىزىلەدى)؛
- شىعارماشىلىق ەمتيحاندارعا قاتىسۋ ءۇشىن وتىنىشتەر 20 ماۋسىم-10 تامىز (كونكۋرسقا قاتىسۋ ءۇشىن 7 شىلدەگە دەيىن) ارالىعىندا قابىلدانادى؛
- شىعارماشىلىق ەمتيحاندار 7 شىلدە-15 تامىز (كونكۋرسقا قاتىسۋ ءۇشىن 20 شىلدەگە دەيىن) ارالىعىندا وتەدى؛
- ءبىلىم بەرۋ گرانتتارى كونكۋرسىنا قاتىسۋعا وتىنىشتەر 13 شىلدە-20 شىلدە ارالىعىندا قابىلدانادى؛
- گرانت يەگەرلەرىنىڭ ءتىزىمى 10 تامىزعا دەيىن جاريالانادى.
مينيسترلىك قوسىمشا اقپاراتتى جوو رەسمي پاراقشالارى مەن سايتتارىنان الۋعا بولاتىنىن جانە 2025-2026 وقۋ جىلىنا قابىلدانۋ ءۇشىن ماڭىزدى كۇندەردى وتكىزىپ الماۋدى ەسكەرتەدى.
