اتىراۋ قالاسى ەكٸمٸنٸڭ مٸندەتٸن اتقارۋشى تٸلەك ماحۋوۆ 100 ملن تەڭگە كٶلەمٸندە پارا الدى دەگەن كٷدٸكپەن ۇستالدى, دەپ حابارلايدى dalanews.kz.
جۋرناليست ميحايل كوزاچكوۆتىڭ مەلٸمەتٸنشە, كٷدٸكتٸ قارجى اتىراۋ قالاسىنىڭ كەرٸز جەلٸلەرٸن كٷردەلٸ جٶندەۋ جوباسىنا ٶزگەرٸستەر ەنگٸزۋگە مٷددەلٸ كومپانييادان بەرٸلگەن. اقشا وسى نىساندا مەردٸگەر ۇيىمعا قوسالقى مەردٸگەر رەتٸندە جۇمىس ٸستەگەن دەلدال ارقىلى جەتكٸزٸلگەن دەگەن بولجام بار.
اقپاراتقا سەيكەس, قىلمىستىق ٸس بويىنشا سۋ شارۋاشىلىعى سالاسىندا جۇمىس ٸستەيتٸن ٸرٸ كومپانييالاردىڭ بٸرٸ – «ساپا قۇرىلىس 2007» جشس باسشىلىعى دا تەرگەلٸپ جاتىر. دەرەككٶزدٸڭ مەلٸمەتٸنشە, كومپانييا ٶتكەن جىلى بيۋدجەتكە 2,5 ملرد تەڭگەدەن استام سالىق تٶلەگەن.
ميحايل كوزاچكوۆتىڭ جازۋىنشا, تەرگەۋدٸ اتىراۋ وبلىسى بويىنشا ۇقك دەپارتامەنتٸنٸڭ سىبايلاس جەمقورلىققا قارسى قىزمەتٸ وبلىستىق پروكۋراتۋرامەن بٸرلەسٸپ جٷرگٸزٸپ جاتىر.
قۇقىق قورعاۋ ورگاندارى بۇل اقپاراتقا قاتىستى ەزٸرگە رەسمي تٷسٸنٸكتەمە بەرگەن جوق.
