Atyraý qalasy ákiminiń mindetin atqarýshy Tilek Mahýov 100 mln teńge kóleminde para aldy degen kúdikpen ustaldy, dep habarlaidy dalanews.kz.
Jýrnalist Mihail Kozachkovtyń málimetinshe, kúdikti qarjy Atyraý qalasynyń káriz jelilerin kúrdeli jóndeý jobasyna ózgerister engizýge múddeli kompaniiadan berilgen. Aqsha osy nysanda merdiger uiymǵa qosalqy merdiger retinde jumys istegen deldal arqyly jetkizilgen degen boljam bar.
Aqparatqa sáikes, qylmystyq is boiynsha sý sharýashylyǵy salasynda jumys isteitin iri kompaniialardyń biri – «Sapa Qurylys 2007» JShS basshylyǵy da tergelip jatyr. Derekkózdiń málimetinshe, kompaniia ótken jyly biýdjetke 2,5 mlrd teńgeden astam salyq tólegen.
Mihail Kozachkovtyń jazýynsha, tergeýdi Atyraý oblysy boiynsha UQK departamentiniń Sybailas jemqorlyqqa qarsy qyzmeti oblystyq prokýratýramen birlesip júrgizip jatyr.
Quqyq qorǵaý organdary bul aqparatqa qatysty ázirge resmi túsinikteme bergen joq.
