ALT University оқу орнында түлектерге диплом тапсыру салтанаты өтті. Салтанатты жиынға Жол активтері сапасының ұлттық орталығы Алматы қалалық филиалының директоры Мәулен Әліпов қатысты, деп хабарлайды Dalanews.kz
Іс-шара барысында ол жас мамандарды оқуын сәтті аяқтауымен құттықтап, жол-құрылыс саласының стратегиялық маңызына тоқталды. Оның айтуынша, сапалы жол – тек инфрақұрылым нысаны емес, ол ел экономикасының дамуы мен азаматтардың қауіпсіздігіне тікелей әсер ететін маңызды фактор.
«Жол саласы – жоғары жауапкершілікті талап ететін бағыт. Әрбір жоба сапа мен қауіпсіздік талаптарына толық сай болуы тиіс. Сондықтан кәсіби біліктілікті үздіксіз арттыру – уақыт талабы», – деді ол.
Филиал директоры бүгінгі түлектердің бәсекеге қабілеттілігі мен заманауи білімінің ел инфрақұрылымын жаңғыртуда шешуші рөл атқаратынын атап өтті.
Бүгінгі жас мамандар – ертеңгі жол саласының тірегі. Олардың кәсіби ұстанымы мен адалдығы Қазақстандағы жол сапасының жаңа деңгейге көтерілуіне негіз болмақ.
