ALT University oqý ornynda túlekterge diplom tapsyrý saltanaty ótti. Saltanatty jiynǵa Jol aktivteri sapasynyń ulttyq ortalyǵy Almaty qalalyq filialynyń direktory Máýlen Álipov qatysty, dep habarlaidy Dalanews.kz
Is-shara barysynda ol jas mamandardy oqýyn sátti aiaqtaýymen quttyqtap, jol-qurylys salasynyń strategiialyq mańyzyna toqtaldy. Onyń aitýynsha, sapaly jol – tek infraqurylym nysany emes, ol el ekonomikasynyń damýy men azamattardyń qaýipsizdigine tikelei áser etetin mańyzdy faktor.
«Jol salasy – joǵary jaýapkershilikti talap etetin baǵyt. Árbir joba sapa men qaýipsizdik talaptaryna tolyq sai bolýy tiis. Sondyqtan kásibi biliktilikti úzdiksiz arttyrý – ýaqyt talaby», – dedi ol.
Filial direktory búgingi túlekterdiń básekege qabilettiligi men zamanaýi biliminiń el infraqurylymyn jańǵyrtýda sheshýshi ról atqaratynyn atap ótti.
Búgingi jas mamandar – erteńgi jol salasynyń tiregi. Olardyń kásibi ustanymy men adaldyǵy Qazaqstandaǵy jol sapasynyń jańa deńgeige kóterilýine negiz bolmaq.
