Жетісу облысында қоқыстан елтаңба тауып алған блогерге айыппұл салынды, деп хабарлайды Dalanews.kz.
Жергілікті блогер Данияр Бейісқали төрт жыл бұрын қоқыс арасынан Қазақстанның мемлекеттік елтаңбасын тауып алғанын айтады.
Оның сөзінше, біреулер елдің мемлекеттік рәмізін қоқысқа тастаған. Кейін блогер елтаңбаны тазалап, өз үйіне іліп қойған.
Алайда арада төрт жыл өткен соң бұл жағдайдан жергілікті билік өкілдері хабардар болған. Нәтижесінде блогерге 216 мың теңге көлемінде айыппұл салынған. Себебі заң бойынша мемлекеттік рәмізді өз бетінше алып кетуге рұқсат жоқ.
Бұл оқиға әлеуметтік желіде қызу талқыланып жатыр.
