FlyArystan әуе компаниясы power bank тасымалдау ережелеріне өзгеріс енгізілетінін мәлімдеді, деп хабарлайды dalanews.kz.
Жаңа талаптар 7 мамырдан бастап күшіне енеді және Қазақстанның авиациялық әкімшілігі бекіткен нормаларға сәйкес енгізілген.
- Ережеге сай сыйымдылығы 100 Вт/сағ-қа дейінгі аккумуляторды арнайы рұқсатсыз алып жүруге болады.
- Ал 100-ден 160 Вт/сағ-қа дейінгі құрылғыны тек әуе компаниясының келісімімен тасымалдауға рұқсат беріледі.
- 160 Вт/сағ-тан асатын аккумуляторды ұшаққа алып кіруге тыйым салынады.
Айта кетейік, бір жолаушы екі құрылғы ала алады. Сонымен қатар, оларды тек қолжүк ретінде тасымалдау қажет. Ұшақ ішінде power bank-ті қолдануға немесе зарядтауға болмайды.
