АҚШ-тың 47-ші президенті ретіндегі Дональд Трамптың екінші инаугурациясы 2025 жылдың 20 қаңтарында өтеді. Трамптың инаугурациясына Қазақстаннан кім қатысатыны белгілі болды,деп жазады Dalanews.kz.

Инагурацияға Қазақстан атынан Вашингтондағы елшіміз Ержан Ашықбаев қатысады,деп хабарлады "Интерфакс-Қазақстан" агенттігі ҚР Сыртқы істер министрлігіне сілтеме жасап.

"Инагурацияға Қазақстаннан Вашингтондағы елші қатысады", делінген хабарламада қысқа-нұсқа.

Айта кетсек, 2024 жылы 6 желтоқсанда Мемлекет басшысы Қасым-Жомарт Тоқаев АҚШ-тың жаңадан сайланған президенті Дональд Трамппен телефон арқылы сөйлесті. Қасым-Жомарт Тоқаев Дональд Трампты Америка Құрама Штаттарының президенті болып сайлануымен құттықтады. Ақорда баспасөз қызметінің хабарлауынша, саясаткерлер сауда, инвестиция салаларында және ядролық қаруды таратпау бағытында стратегиялық серіктестікті дамытуға бейіл екендерін растады. Қасым-Жомарт Тоқаев пен Дональд Трамп екіжақты ынтымақтастықтың жоғары қарқынын сақтау мақсатында ұдайы байланыста болуға уағдаласты.