Орталықта 11 үйірме университет студенттері үшін жұмыс жасайды. Үйірме студенттері жасаған бұйымдар орталықтағы арнайы көрме залына қойылған.
2015 жылы ашылған 12 қабаттық №1 Студенттер үйі барлық жағдай жасалған. Әр бөлмеде екі студенттен тұрады, санитарлық тораппен, арнайы жиһазбен, тоңазытқышпен қамтамасыз етілген.

Тарих ғылымдарының докторы, танымал археолог Александр Подушкин студенттердің археологиялық жасағы жүргізген қазба жұмыстары кезінде табылған көне жәдігерлерді көрсетіп, олар туралы әңгімелеп берді.
Шаһар әкімі Мұрат Әйтенов университеттегі Н.Назарбаев атындағы ғылыми-инновациялық кабинеттің жұмысын көрді. Кабинет жоғары технологияның ең соңғы үлгісі бойынша жабдықталған. Бұл жерде ғылыми жобамен айналысатын үздік студенттер және оқытушы-профессор құрамы жұмыс істеуіне толық мүмкіндік жасалынған. Сонымен бірге мұнда Елбасының 200-ден аса еңбектері жеке кітапхана ретінде де қызмет көрсетеді.
Қала басшысы «Nur Otan» партиясының «ІТ мамандар дайындау» жобасы шеңберінде ашылған «IT-SYNYP» сыныбы мен «Робототехника» үйірмесінің жұмысымен танысты.

2018 жылдың маусым айынан 2020 наурыз айы аралығында IT-сыныпта 1100 оқушы оқып, арнайы сертификатқа ие болды.