Бұл жолғы Жолдаудың негізгі мақсаты ел тұрғындарының өмірі мен сапалы тұрмысын жақсартуда, экономикасы дамыған, әлеуеті жоғары мемлекет қалыптастыру.
Жиын барысында Арыс қалалық Қоғамдық келісім кеңесінің төрағасы Ә.Жарымбет және ҚР ҚК ТжҚЖБ ЗАОДББ техникалық бақылау бөлімінің бастығы подполковник А.Бралин қатысып, Жолдау аясында баяндамалар жасады.
Баяндама барысында насихаттық топ мүшелері тарихи құжаттың тағлымдық жақтарына тоқталып, Жолдаудың басым бағыттарын атап көрсетті. Елбасы өзінің жылда Қазақстан халқына арнайтын Жолдауында қорғаныс, қауіпсіздік саласына да баса мән беріп, қазақ әскерінің заман талабына сай қорғаныстық қабілетке ие болуына баса мән беретіні белгілі. Сонымен қатар әскерилердің әлеуметтік мәселесін шешу ісі ұдайы Елбасының назарында жүретінін сарбаздар жақсы біледі.
Кездесу барысында Жолдауда көрсетілген басым бағыттарды жүзеге асыру бойынша әскери бөлімнің қызметкерлері тарапынан қойылған сауалдарға заң аясында тиісті мәліметтер мен жауаптар берді.
Арыс қаласы әкімінің баспасөз қызметі
