بۇل جولعى جولداۋدىڭ نەگىزگى ماقساتى ەل تۇرعىندارىنىڭ ءومىرى مەن ساپالى تۇرمىسىن جاقسارتۋدا، ەكونوميكاسى دامىعان، الەۋەتى جوعارى مەملەكەت قالىپتاستىرۋ.
جيىن بارىسىندا ارىس قالالىق قوعامدىق كەلىسىم كەڭەسىنىڭ ءتوراعاسى ءا.جارىمبەت جانە ق ر قك تجقجب زاودبب تەحنيكالىق باقىلاۋ ءبولىمىنىڭ باستىعى پودپولكوۆنيك ا.برالين قاتىسىپ، جولداۋ اياسىندا باياندامالار جاسادى.
بايانداما بارىسىندا ناسيحاتتىق توپ مۇشەلەرى تاريحي قۇجاتتىڭ تاعلىمدىق جاقتارىنا توقتالىپ، جولداۋدىڭ باسىم باعىتتارىن اتاپ كورسەتتى. ەلباسى ءوزىنىڭ جىلدا قازاقستان حالقىنا ارنايتىن جولداۋىندا قورعانىس، قاۋىپسىزدىك سالاسىنا دا باسا ءمان بەرىپ، قازاق اسكەرىنىڭ زامان تالابىنا ساي قورعانىستىق قابىلەتكە يە بولۋىنا باسا ءمان بەرەتىنى بەلگىلى. سونىمەن قاتار اسكەريلەردىڭ الەۋمەتتىك ماسەلەسىن شەشۋ ءىسى ۇدايى ەلباسىنىڭ نازارىندا جۇرەتىنىن ساربازدار جاقسى بىلەدى.
كەزدەسۋ بارىسىندا جولداۋدا كورسەتىلگەن باسىم باعىتتاردى جۇزەگە اسىرۋ بويىنشا اسكەري ءبولىمنىڭ قىزمەتكەرلەرى تاراپىنان قويىلعان ساۋالدارعا زاڭ اياسىندا ءتيىستى مالىمەتتەر مەن جاۋاپتار بەردى.
ارىس قالاسى اكىمىنىڭ باسپا ءسوز قىزمەتى
