23 қаңтарда Ұлттық банк 2026 жылғы алғашқы шешімін жариялайды және нарықта базалық мөлшерлеме 18% деңгейінде сақталады деген болжам басым, деп хабарлайды Dalanews.kz.
Сарапшылардың айтуынша, реттеуші органның мұндай ұстанымына инфляцияның әлі де жоғары болуы әсер етіп отыр. Былтыр баға өсімі 12 пайыздан асты, бұл белгіленген межеден екі еседен көп. Мұндай жағдайда ақша саясатын жұмсарту тәуекелді қадам саналады.
Алдағы айларда инфляциялық қысым күшеюі мүмкін. Наурыздан кейін коммуналдық тарифтердің қайта өсуі күтіледі. Сонымен қатар жанармай бағасының біртіндеп қымбаттауы ықтимал. Бұл халықтың бағаға қатысты сынын арттырып, нарықтағы тұрақтылыққа әсер етеді.
Ұлттық банк басшылығы мөлшерлемені төмендету тек инфляция бәсеңдеп, тәуекелдер азайған кезде ғана мүмкін болатынын бұған дейін де мәлімдеген. Сондықтан ақша саясатын жұмсарту мәселесі кем дегенде жылдың екінші жартысына дейін кейінге қалуы ықтимал.
Сарапшылардың айтуынша, базалық мөлшерлемені төмендету үшін бірнеше шарт орындалуы керек:
1.инфляция мен баға күтуі төмендеуі;
2.тұтынушылық несиелеу баяулауы;
3.тарифтерді өсіру процесі бақылауда өтуі;
4.макроэкономиканы тұрақтандыру бағдарламасы нақты іске қосылуы.
Осы жағдайларды ескерсек, Ұлттық банк алдағы отырыста базалық мөлшерлемені 18% деңгейінде қалдыруы ықтимал.
