Ақша мұздатқышта сақталған: Антикор белгілі университеттің ректоры ұсталған сәтті жариялады

Сағыныш Сардарова 01 мау. 2024 10:31 3219

М.Оспанов атындағы Батыс Қазақстан медицина университетінің ректоры жемқорлық дерегі бойынша күдікке ілінді, - деп хабарлайды Dalanews.kz.

Алматы облысының Сыбайлас жемқорлыққа қарсы қызметі "М.Оспанов атындағы Батыс Қазақстан медицина университеті" КЕАҚ Басқарма төрағасын әшкереледі.

Ол медициналық жабдықтарды мемлекеттік сатып алу шарттары бойынша бюджет қаражатын кедергісіз аударғаны үшін Алматы қаласының кәсіпкерінен 11,6 млн теңге көлемінде пара алған.

Сот санкциясымен күдікті қамауға алынды. Тергеу жалғасып жатыр.

Антикор Қылмыстық-процестік кодексінің 201-бабына сәйкес өзге ақпарат жарияланбайтынын хабарлады. 


Ұсынылған
Соңғы жаңалықтар