Алматыда жексенбі күні Gran Fondo World Championship жарысына байланысты әл-Фараби даңғылында көлік қозғалысы уақытша шектеледі, деп хабарлайды dalanews.kz.
16 тамызда Алматыда әуесқойлар мен ардагерлер арасында велоспорттан Gran Fondo World Championship өтуіне байланысты әл-Фараби даңғылының кей жерінде көлік қозғалысының сызбасы өзгереді. Бұл туралы қалалық Спорт басқармасының өкілдері айтты:
- Сағат 05:30-дан 06:40-қа дейін әл-Фараби даңғылының Достық даңғылынан Талғар тасжолына дейінгі бөлігінде көлік қозғалысы уақытша шектеледі.
- Сағат 05:30-дан 10:30-ға дейін Достық даңғылынан Науаи көшесіне дейінгі бөлікте көлік қозғалысы уақытша шектеледі.
Жүргізушілерден өзгерістерді ескеріп, жол жүру бағытын жоспарлау сұралды.
