Almatyda jeksenbi kúni Gran Fondo World Championship jarysyna bailanysty ál-Farabi dańǵylynda kólik qozǵalysy ýaqytsha shekteledi, dep habarlaidy dalanews.kz.
16 tamyzda Almatyda áýesqoilar men ardagerler arasynda velosporttan Gran Fondo World Championship ótýine bailanysty ál-Farabi dańǵylynyń kei jerinde kólik qozǵalysynyń syzbasy ózgeredi. Bul týraly qalalyq Sport basqarmasynyń ókilderi aitty:
- Saǵat 05:30-dan 06:40-qa deiin ál-Farabi dańǵylynyń Dostyq dańǵylynan Talǵar tasjolyna deiingi bóliginde kólik qozǵalysy ýaqytsha shekteledi.
- Saǵat 05:30-dan 10:30-ǵa deiin Dostyq dańǵylynan Naýai kóshesine deiingi bólikte kólik qozǵalysy ýaqytsha shekteledi.
Júrgizýshilerden ózgeristerdi eskerip, jol júrý baǵytyn josparlaý suraldy.
