Синоптиктер алдағы күндерге арналған ауа райы болжамын жариялады, деп хабарлайды dalanews.kz.
Еліміздің бірқатар өңірінде ауа райы құбылмалы болады. Солтүстік, оңтүстік және оңтүстік-батыс аймақтарда атмосфералық фронттар өтуіне байланысты жаңбыр жауып, найзағай ойнайды. Ал шығыста түнгі уақытта жаңбыр мен қар аралас жауын-шашын болжанып отыр.
Қазақстан бойынша жел күшейеді. Оңтүстік өңірлерде шаңды дауыл соғуы мүмкін. Кей жерлерде түнгі және таңғы уақытта тұман түседі.
Сонымен қатар, күндізгі ауа температурасы біртіндеп көтеріледі. Батыста +28…+35 градусқа дейін, солтүстік пен орталықта +20…+32 градусқа дейін жылынады. Шығыста +17…+25, оңтүстікте +22…+35, ал оңтүстік-шығыста +20…+28 градус шамасында болады.
