قازاقستاندا جىل باسىنان بەرٸ ماس كٷيٸندە كٶلٸك جٷرگٸزگەن جٷرگٸزۋشٸلەردٸڭ قاتىسۋىمەن بولعان جول-كٶلٸك وقيعالارىنان 212 ادام جاراقات الدى. وسىعان بايلانىستى ٸشكٸ ٸستەر مينيسترلٸگٸ مۇنداي قۇقىق بۇزۋشىلارعا قاتىستى جازانى جەڭٸلدەتۋگە نەمەسە جٷرگٸزۋشٸ كۋەلٸگٸنەن ايىرۋ مەرزٸمٸن قىسقارتۋعا قارسى ەكەنٸن مەلٸمدەدٸ, دەپ حابارلايدى dalanews.kz.
مەسەلە مەجٸلٸستە ەكٸمشٸلٸك جەنە قىلمىستىق راقىمشىلىق تۋرالى زاڭ جوباسىن تالقىلاۋ بارىسىندا كٶتەرٸلدٸ. ٸشكٸ ٸستەر مينيسترٸنٸڭ ورىنباسارى سانجار ەدٸلوۆتٸڭ ايتۋىنشا, ماس جٷرگٸزۋشٸلەردٸڭ قاتىسۋىمەن بولاتىن جول اپاتتارى ەلٸ دە كٷردەلٸ مەسەلە بولىپ قالىپ وتىر.
«تەك بيىلعى بەس ايدىڭ ٸشٸندە ماس جٷرگٸزۋشٸلەردٸڭ كٸنەسٸنەن 144 جول-كٶلٸك وقيعاسى تٸركەلدٸ. سونىڭ سالدارىنان تٶرت ادام قازا تاۋىپ, 212 ادام تٷرلٸ دەنە جاراقاتىن الدى», - دەدٸ ەدٸلوۆ.
ونىڭ مەلٸمەتٸنشە, ٶتكەن جىلى ەلٸمٸزدە ماس كٷيٸندە كٶلٸك باسقارعان جٷرگٸزۋشٸلەردٸڭ قاتىسۋىمەن 673 جول اپاتى بولعان. اپاتتار سالدارىنان 56 ادام كٶز جۇمعان, ولاردىڭ اراسىندا بٸر بالا بار.
مينيستر ورىنباسارى جول قوزعالىسى قاۋٸپسٸزدٸگٸن قامتاماسىز ەتۋ مەسەلەسٸندە ۆەدومستۆونىڭ ۇستانىمى ٶزگەرمەيتٸنٸن اتاپ ٶتتٸ. ونىڭ ايتۋىنشا, الكوگولدٸك نەمەسە ەسٸرتكٸلٸك ماساڭ كٷيدە كٶلٸك جٷرگٸزۋ ازاماتتاردىڭ ٶمٸرٸ مەن دەنساۋلىعىنا تٸكەلەي قاۋٸپ تٶندٸرەدٸ جەنە اۋىر زارداپتارعا ەكەلەتٸن جول اپاتتارىنىڭ نەگٸزگٸ سەبەپتەرٸنٸڭ بٸرٸ سانالادى.
«ٸشكٸ ٸستەر مينيسترلٸگٸنٸڭ ۇستانىمى ٶزگەرمەيدٸ جەنە بٸرجاقتى. بۇل مەسەلەدە قانداي دا بٸر جەڭٸلدٸك جاساۋعا بولمايدى», - دەدٸ ول.
ەدٸلوۆتٸڭ سٶزٸنشە, قازٸرگٸ تاڭدا مينيسترلٸك جولداعى قاۋٸپسٸزدٸكتٸ كٷشەيتۋ جەنە ماس كٷيٸندە كٶلٸك باسقارۋعا قاتىستى «نٶلدٸك تٶزٸمدٸلٸك» قاعيداتىن ۇستانىپ وتىر. سوندىقتان مۇنداي قۇقىق بۇزۋشىلىق ٷشٸن بەلگٸلەنگەن جاۋاپكەرشٸلٸكتٸ جەڭٸلدەتۋ مەسەلەسٸ قاراستىرىلمايدى.
«الكوگولدٸك نەمەسە ەسٸرتكٸلٸك ماساڭ كٷيدە كٶلٸك قۇرالىن باسقارۋ ازاماتتاردىڭ ٶمٸرٸ مەن دەنساۋلىعىنا جوعارى قاۋٸپ تٶندٸرەدٸ ەرٸ اۋىر سالدارعا ەكەلەتٸن جول-كٶلٸك وقيعالارىنىڭ باستى سەبەپتەرٸنٸڭ بٸرٸ بولىپ تابىلادى. وسى باعىتتاعى جۇمىسىمىز ماس كٷيٸندە كٶلٸك جٷرگٸزۋگە قاتىستى نٶلدٸك تٶزٸمدٸلٸك قاعيداتىن قامتاماسىز ەتۋگە باعىتتالعان», - دەپ تٷيٸندەدٸ مينيستردٸڭ ورىنباسارى.
