اقتٶبەدە جولداعى جانجال ادام ۇرلاۋ دەرەگٸمەن اياقتالدى. بٸر توپ ازامات ەر ادامدى كٷشتەپ Lexus اۆتوكٶلٸگٸنٸڭ جٷكسالعىشىنا سالىپ ەكەتكەن. كٷدٸكتٸلەر ۇستالىپ, ولارعا قاتىستى سوتقا دەيٸنگٸ تەرگەۋ باستالدى, دەپ حابارلايدى dalanews.kz.
اقتٶبە وبلىستىق پوليتسييا دەپارتامەنتٸنٸڭ مەلٸمەتٸنشە, "102" ارناسىنا بٸرنەشە ادامنىڭ ەر ازاماتتى كٷشتەپ كٶلٸكتٸڭ جٷكسالعىشىنا سالىپ, بەلگٸسٸز باعىتقا الىپ كەتكەنٸ تۋرالى حابارلاما تٷسكەن. وقيعا سەتٸ سول ماڭنان ٶتٸپ بارا جاتقان كٶلٸكتٸڭ بەينەتٸركەۋٸشٸنە تٷسٸپ قالعان. بۇل جازبا پوليتسيياعا كٷدٸكتٸلەردٸ انىقتاۋعا جەنە وقيعانىڭ مەن-جايىن جەدەل انىقتاۋعا مٷمكٸندٸك بەرگەن.
جەدەل-ٸزدەستٸرۋ شارالارى بارىسىندا ارنايى ماقساتتاعى جاساقتىڭ قولداۋىمەن كٷدٸكتٸلەر مٸنگەن كٶلٸك توقتاتىلىپ, ٸشٸندەگٸ ادامدار ۇستالدى.
الدىن الا مەلٸمەت بويىنشا, وقيعاعا جول ٷستٸندە بولعان جانجال سەبەپ بولعان. جاياۋ جٷرگٸنشٸلەر ٶتكەلٸمەن ٶتٸپ بارا جاتقان ەر ادام جٷرگٸزۋشٸگە ەسكەرتۋ جاساعاننان كەيٸن ولاردىڭ اراسىندا سٶزگە كەلٸسپەۋشٸلٸك تۋعان.
پوليتسييانىڭ مەلٸمەتٸنشە, كەيٸن كٷدٸكتٸلەر جەبٸرلەنۋشٸنٸڭ ٷيٸنٸڭ ماڭىنا بارىپ, ونى كٷتكەن. ەر ادام تاكسيمەن شىققان سەتتە ولار كٶلٸكپەن جولىن بٶگەپ, تاكسيدٸ توقتاتقان. وسىدان كەيٸن جەبٸرلەنۋشٸنٸ كٷشتەپ كٶلٸكتەن شىعارىپ, Lexus اۆتوكٶلٸگٸنٸڭ جٷكسالعىشىنا سالىپ الىپ كەتكەن.
قازٸرگٸ ۋاقىتتا اتالعان دەرەك بويىنشا ادام ۇرلاۋ فاكتٸسٸمەن سوتقا دەيٸنگٸ تەرگەۋ جٷرگٸزٸلٸپ جاتىر. كٷدٸكتٸلەر ۋاقىتشا ۇستاۋ يزولياتورىنا قامالىپ, تەرگەۋ امالدارى جالعاسۋدا.
