اكتريسا جۇلدىز ەبدٸكەرٸموۆا جۇبايى قايرات نۇرتاستىڭ بٸرنەشە قالادا شىعارماشىلىق كەش ٶتكٸزۋدٸ جوسپارلاپ وتىرعانىن مەلٸمدەدٸ. ونىڭ ايتۋىنشا, ەرلٸ-زايىپتى الداعى كونتسەرتتەرگە دايىندىقتى باستاپ كەتكەن, دەپ حابارلايدى dalanews.kz.
ٶنەر يەسٸ ەلەۋمەتتٸك جەلٸدەگٸ پاراقشاسىندا قايرات نۇرتاسپەن بٸرگە تٷسكەن ۆيدەوسىن جارييالادى. كادردان اكتريسانىڭ بەينەقوڭىراۋ ارقىلى سٶيلەسٸپ وتىرعانى, ال ەنشٸنٸڭ وعان ەركەلەپ, ىقىلاس تانىتقانى كٶرٸنەدٸ.
جۇلدىز ەبدٸكەرٸموۆا ەكەۋٸنٸڭ بٸر-بٸرٸنٸڭ شىعارماشىلىعىنا قولداۋ كٶرسەتٸپ, قاتار دامۋعا تىرىسىپ جٷرگەنٸن ايتتى.
«شامامىز جەتكەنشە بٸرگە دامىپ, ەرقايسىمىز ٶز سالامىزدا شىعارماشىلىعىمىزدى توقتاۋسىز شىڭداۋعا تىرىسىپ جٷرمٸز. قولىمىزدان كەلگەنشە بٸر-بٸرٸمٸزدٸ قولداپ, تٸرەۋ بولۋعا ۋەدەلەسكەنبٸز. ال سٸزدەرگە سابىر!» – دەپ جازدى اكتريسا.
بۇعان دەيٸن جۇلدىز ەبدٸكەرٸموۆانىڭ اكتەر ازامات ساتىبالدىمەن ليفتتە تٷسكەن سۋرەتٸ ەلەۋمەتتٸك جەلٸدە قىزۋ تالقىعا تٷسكەن ەدٸ. بۇل جولى اكتريسا دەل سول جەردە جۇبايى قايرات نۇرتاسپەن بٸرگە تٷسٸرٸلگەن ۆيدەونى كٶپشٸلٸك نازارىنا ۇسىندى.
