Aktrisa Juldyz Ábdikárimova jubaiy Qairat Nurtastyń birneshe qalada shyǵarmashylyq kesh ótkizýdi josparlap otyrǵanyn málimdedi. Onyń aitýynsha, erli-zaiypty aldaǵy kontsertterge daiyndyqty bastap ketken, dep habarlaidy dalanews.kz.
Óner iesi áleýmettik jelidegi paraqshasynda Qairat Nurtaspen birge túsken videosyn jariialady. Kadrdan aktrisanyń beineqońyraý arqyly sóilesip otyrǵany, al ánshiniń oǵan erkelep, yqylas tanytqany kórinedi.
Juldyz Ábdikárimova ekeýiniń bir-biriniń shyǵarmashylyǵyna qoldaý kórsetip, qatar damýǵa tyrysyp júrgenin aitty.
«Shamamyz jetkenshe birge damyp, árqaisymyz óz salamyzda shyǵarmashylyǵymyzdy toqtaýsyz shyńdaýǵa tyrysyp júrmiz. Qolymyzdan kelgenshe bir-birimizdi qoldap, tireý bolýǵa ýádeleskenbiz. Al sizderge sabyr!» – dep jazdy aktrisa.
Buǵan deiin Juldyz Ábdikárimovanyń akter Azamat Satybaldymen liftte túsken sýreti áleýmettik jelide qyzý talqyǵa túsken edi. Bul joly aktrisa dál sol jerde jubaiy Qairat Nurtaspen birge túsirilgen videony kópshilik nazaryna usyndy.
