قازاقستاننىڭ جاڭا ساياسي جٷيەگە كٶشۋٸ, قۇرىلتايدىڭ جۇمىسى, پرەزيدەنت ٶكٸلەتتٸگٸنٸڭ كٷشەيۋٸ جەنە ۇلتتىق قور قاراجاتىن پايدالانۋ مەسەلەسٸ بيىلعى پرەزيدەنت جولداۋىندا باستى تاقىرىپتاردىڭ قاتارىندا بولۋى مٷمكٸن, دەپ حابارلايدى dalanews.kz.
قوعام قايراتكەرٸ قازىبەك بەيسەباەۆتىڭ پٸكٸرٸنشە, بيىلعى جولداۋدىڭ نەگٸزگٸ ەرەكشەلٸگٸ – ونىڭ جاڭا كونستيتۋتسييا قابىلدانىپ, ەلدٸڭ ساياسي جٷيەسٸ ٶزگەرگەننەن كەيٸن ٶتۋٸندە.
ساراپشىنىڭ ايتۋىنشا, بيلٸك بۇل كەزەڭدٸ قازاقستاننىڭ «جاڭا ساياسي دەۋٸرگە» قادام باسۋى رەتٸندە سيپاتتاۋى مٷمكٸن. جاڭا كونستيتۋتسييا, قۇرىلتايدىڭ قۇرىلۋى, پارلامەنت جٷيەسٸنٸڭ ٶزگەرۋٸ جەنە بولاشاقتاعى حالىق كەڭەسٸ تۋرالى مەسەلەلەر جولداۋدا ايتىلۋى ىقتيمال.
«نەگٸزگٸ ەرەكشەلٸگٸ – جاڭا كونستيتۋتسييا, جاڭا ساياسي جٷيە, جاڭا دەۋٸر. بٸز بولاشاققا قادام جاساپ وتىرمىز دەپ ايتىلادى. قازٸر ەكٸ پالاتالى پارلامەنتتٸڭ ورنىنا قۇرىلتاي كەلدٸ, حالىق كەڭەسٸ تۋرالى دا مەسەلە بار. سوندىقتان بيلٸك مۇنى جاڭا قازاقستاننىڭ جاڭا قۇرىلىمى رەتٸندە كٶرسەتەدٸ», – دەدٸ قازىبەك بەيسەباەۆ.
سونىمەن قاتار قوعام قايراتكەرٸ ساياسي رەفورمالاردىڭ تاعى بٸر قىرىنا نازار اۋداردى. ونىڭ پٸكٸرٸنشە, جاڭا كونستيتۋتسيياداعى ٶزگەرٸستەر پرەزيدەنتتٸڭ ٶكٸلەتتٸگٸن ايتارلىقتاي كٷشەيتتٸ.
«مەنٸڭشە, جاي عانا ساياسي ٶزگەرٸس بولدى دەپ ايتۋ جەتكٸلٸكسٸز. جاڭا كونستيتۋتسيياعا قاراساق, پرەزيدەنتتٸڭ ٶكٸلەتٸ كٷشەيدٸ. قازٸر پرەزيدەنت بيلٸك تارماقتارىنىڭ باسشىلارىن ٶزٸ تاعايىندايدى نەمەسە ۇسىنادى. مىسالى, بۇرىن مەجٸلٸس تٶراعاسىن دەپۋتاتتاردىڭ ٶزدەرٸ سايلايتىن. ال جاڭا جٷيەدە قۇرىلتاي پرەزيدەنت ۇسىنعان كانديداتۋرانى ەكٸ رەت قابىلداماسا, قۇرىلتاي تاراتىلۋى مٷمكٸن», – دەدٸ ول.
بەيسەباەۆتىڭ سٶزٸنشە, سوندىقتان جولداۋدا «ساياسي رەفورما», «جاڭا دەۋٸر», «جاڭا جٷيە» دەگەن ۇعىمدار جيٸ ايتىلعانىمەن, قوعام ٷشٸن وسى رەفورمالاردىڭ ناقتى ساياسي سالدارىن تٷسٸنۋ ماڭىزدى.
ونىڭ پٸكٸرٸنشە, جاڭا جٷيەنٸڭ قالاي جۇمىس ٸستەيتٸنٸ, قۇرىلتايدىڭ ٶكٸلەتٸ قانداي بولاتىنى جەنە حالىق كەڭەسٸ ناقتى قالاي قۇرىلاتىنى دا قوعام ٷشٸن ماڭىزدى سۇراق بولىپ وتىر.
«قازاقستان حالىق كەڭەسٸ تۋرالى ەزٸرگە تولىق اقپارات جوق. ونىڭ قۇرامىنا كٸمدەر كٸرەدٸ, قالاي قۇرىلادى, قانداي ٶكٸلەتٸ بولادى – وسى مەسەلەلەرگە دە جولداۋدا بٸر-ەكٸ اۋىز سٶز ايتىلۋى مٷمكٸن», – دەدٸ قوعام قايراتكەرٸ.
ساراپشى ەكونوميكالىق مەسەلەلەر دە بيىلعى جولداۋدىڭ ماڭىزدى بٶلٸگٸ بولادى دەپ سانايدى. ەسٸرەسە ۇلتتىق قور قاراجاتىن پايدالانۋ تۋرالى مەسەلە قوعام نازارىندا.
ونىڭ ايتۋىنشا, بۇعان دەيٸن ۇلتتىق قورداعى قاراجات بولاشاق ۇرپاقتىڭ قورى رەتٸندە قاراستىرىلىپ كەلدٸ. سوندىقتان ونى ەكونوميكانى دامىتۋعا باعىتتاۋ تۋرالى شەشٸم قابىلدانسا, قاراجاتتىڭ قانداي ماقساتقا جەنە قانداي مەحانيزممەن جۇمسالاتىنى ماڭىزدى.
«ۇلتتىق قوردىڭ اقشاسى – بولاشاق ۇرپاقتىڭ اقشاسى دەپ ايتىپ كەلدٸك. ەندٸ ونى الىپ, پايدالانۋ تۋرالى سٶز بولىپ وتىر. ەڭ باستى سۇراق – ول اقشا قالاي جۇمسالادى? وعان قانداي باقىلاۋ بولادى? قازاقستانداعى ەڭ ٷلكەن مەسەلەلەردٸڭ بٸرٸ – جەمقورلىق. سوندىقتان ۇلتتىق قور قاراجاتىن پايدالانۋ كەزٸندە باقىلاۋ مەسەلەسٸ ٶتە ماڭىزدى», – دەدٸ بەيسەباەۆ.
قوعام قايراتكەرٸ الماتىداعى كٶكجايلاۋ اۋماعىندا سالىنىپ جاتقان تاۋ شاڭعىسى كۋرورتىنا قاتىستى ەكولوگييالىق مەسەلەنٸ دە نازاردان تىس قالدىرماۋ كەرەكتٸگٸن ايتتى. ونىڭ پٸكٸرٸنشە, ٸرٸ ينفراقۇرىلىمدىق جوبالار ەكونوميكالىق پايداسىمەن قاتار تابيعاتقا ىقتيمال ەسەرٸ تۇرعىسىنان دا باعالانۋى تيٸس.
«مەن الماتىدا تۇرعاندىقتان, كٶكجايلاۋداعى جاعدايعا دا نازار اۋدارامىن. بۇعان دەيٸن پرەزيدەنت ول جەردە قۇرىلىس بولمايدى دەگەن ەدٸ, قازٸر جۇمىستار باستالدى. مۇنداي جوبالاردىڭ ەكولوگيياعا ەسەرٸ قانداي بولادى دەگەن سۇراق بار. بۇل دا قوعام ٷشٸن ماڭىزدى مەسەلە», – دەدٸ ول.
بەيسەباەۆتىڭ ايتۋىنشا, قازاقستاننىڭ حالىقارالىق جاعدايى مەن سىرتقى ساياساتتاعى ۇستانىمى دا جولداۋدىڭ ماڭىزدى باعىتتارىنىڭ بٸرٸ بولۋى مٷمكٸن.
ساراپشى قازٸرگٸ گەوساياسي احۋال بارلىق مەملەكەتكە ەسەر ەتٸپ وتىرعانىن اتاپ ٶتٸپ, قازاقستاننىڭ حالىقارالىق ارەناداعى ورنى, ەلدٸڭ سىرتقى ساياساتتاعى باعىتى جەنە جاڭا جاعدايداعى ۇلتتىق مٷددەلەردٸ قورعاۋ مەسەلەلەرٸ دە پرەزيدەنتتٸڭ سٶزٸندە كٶرٸنٸس تابۋى مٷمكٸن ەكەنٸن ايتتى.
وسىلايشا, قازىبەك بەيسەباەۆ بيىلعى جولداۋدىڭ باستى ەرەكشەلٸگٸ جاڭا ساياسي جٷيەنٸڭ ٸسكە قوسىلۋىمەن بايلانىستى بولاتىنىن اتاپ ٶتتٸ. ونىڭ پٸكٸرٸنشە, قوعام ٷشٸن «جاڭا دەۋٸر» تۋرالى جالپى ۇرانداردان بٶلەك, بيلٸك تارماقتارىنىڭ اراقاتىناسى, پرەزيدەنت ٶكٸلەتٸنٸڭ شەگٸ, قۇرىلتايدىڭ رٶلٸ, ۇلتتىق قور قاراجاتىنىڭ جۇمسالۋى جەنە ٸرٸ جوبالاردىڭ قوعام مەن تابيعاتقا ەسەرٸ سيياقتى ناقتى مەسەلەلەرگە جاۋاپ ماڭىزدى.
