ايتا كەتسەك، وسى ۋاقىتقا دەيىن زىريان اۋدانىنىڭ تۇرعىندارى ەمدوم الۋ ءۇشىن وبلىس ورتالىعى وسكەمەن قالاسىنداعى وڭالتۋ ورتالىعى كەلەتىن. ەندىگىدەن باستاپ جاڭا تەحنيكا جانە زاماناۋي قۇرىلعى ورناتىلعان 80 ورىندىق ورتالىق زىرياندىقتارعا قىزمەت كورسەتپەك. پسيحولوگيالىق قولداۋ كورسەتۋ، فيزيوەمدەۋ جانە ەمدىك دەنە شىنىقتىرۋ بولمەلەرىمەن قاتار، وڭالتۋ نىسانى ۆاكۋۋمدىق ەمدەۋ، اسپالى ەمدەۋ جۇيەسى اپپاراتتارىمەن جانە جاتتىعۋ ترەناجەرلارىنىڭ تۇر-تۇرىمەن جابدىقتالعان.
ورتالىقتىڭ اشىلۋ سالتاناتىنا قاتىسقان شقو اكىمىنىڭ ورىنباسارى اسەم ءنۇسىپوۆا اۋدان تۇرعىندارىن قۇتتىقتاي وتىرىپ، جىلى لەبىزىن ءبىلدىردى.
![](/uploads/images/20240128161009560.jpg)
قۇرىلىسى ۇزاق ۋاقىتقا سوزىلعان وڭالتۋ ورتالىعى وبلىس اكىمى دانيال احمەتوۆتىڭ باقىلاۋىنا الىنعانان كەيىن، مەكەمە قۇرىلىسى جاندانىپ، ۋاقىتىندا تاپسىرىلادى. جاڭا الەۋمەتتىك نىسان ءۇشىن رەسپۋبليكالىق بيۋدجەتتەن 409،9 ملن، وبلىستىق بيۋدجەتتەن 22،8 ملن تەڭگە بولىنگەن.
قازاقستان رەسپۋبليكاسى تاۋەلسىزدىك العان جىلدارى شىعىس قازاقستاندا تەك 7 ەمدەۋ-الەۋمەتتىك نىسانى بولعان. ءقازىر ولاردىڭ سانى 15-كە جەتىپ وتىر.