Zyrán aýdanynda jańa ońaltý ortalyǵy ashyldy

Dalanews 14 jelt. 2016 08:58 517

Shyǵys Qazaqstanda táýelsizdiktiń 25 jyldyǵy aıasynda áleýmettik nysandardyń sany taǵy bireýge artty. Zyrán aýdanynda ashylǵan 80 oryndyq ońaltý ortalyǵy aýdannyń múmkindigi shekteýli azamattaryna medısınalyq qyzmet kórsetip, psıhofızıkalyq turaqtylyq qalyptastyrýda qolaıly jaǵdaı týǵyzbaq.

Aıta ketsek, osy ýaqytqa deıin Zyrán aýdanynyń turǵyndary emdom alý úshin oblys ortalyǵy Óskemen qalasyndaǵy ońaltý ortalyǵy keletin. Endigiden bastap jańa tehnıka jáne zamanaýı qurylǵy ornatylǵan 80 oryndyq ortalyq zyrándyqtarǵa qyzmet kórsetpek. Psıhologıalyq qoldaý kórsetý, fızıoemdeý jáne emdik dene shynyqtyrý bólmelerimen qatar, ońaltý nysany vakýmdyq emdeý, aspaly emdeý júıesi apparattarymen jáne jattyǵý trenajerlarynyń túr-túrimen jabdyqtalǵan.

Ortalyqtyń ashylý saltanatyna qatysqan SHQO ákiminiń orynbasary Ásem Núsipova aýdan turǵyndaryn quttyqtaı otyryp, jyly lebizin bildirdi.



Qurylysy uzaq ýaqytqa sozylǵan ońaltý ortalyǵy oblys ákimi Danıal Ahmetovtyń baqylaýyna alynǵanan keıin, mekeme qurylysy jandanyp, ýaqytynda tapsyrylady. Jańa áleýmettik nysan úshin  respýblıkalyq búdjetten 409,9 mln, oblystyq búdjetten 22,8 mln teńge bólingen.

Qazaqstan Respýblıkasy táýelsizdik alǵan jyldary Shyǵys Qazaqstanda tek 7 emdeý-áleýmettik nysany bolǵan. Qazir olardyń sany 15-ke jetip otyr.

Usynylǵan
Sońǵy jańalyqtar