Aita ketsek, osy ýaqytqa deiin Zyrian aýdanynyń turǵyndary emdom alý úshin oblys ortalyǵy Óskemen qalasyndaǵy ońaltý ortalyǵy keletin. Endigiden bastap jańa tehnika jáne zamanaýi qurylǵy ornatylǵan 80 oryndyq ortalyq zyriandyqtarǵa qyzmet kórsetpek. Psihologiialyq qoldaý kórsetý, fizioemdeý jáne emdik dene shynyqtyrý bólmelerimen qatar, ońaltý nysany vakýýmdyq emdeý, aspaly emdeý júiesi apparattarymen jáne jattyǵý trenajerlarynyń túr-túrimen jabdyqtalǵan.
Ortalyqtyń ashylý saltanatyna qatysqan ShQO ákiminiń orynbasary Ásem Núsipova aýdan turǵyndaryn quttyqtai otyryp, jyly lebizin bildirdi.
Qurylysy uzaq ýaqytqa sozylǵan ońaltý ortalyǵy oblys ákimi Danial Ahmetovtyń baqylaýyna alynǵanan keiin, mekeme qurylysy jandanyp, ýaqytynda tapsyrylady. Jańa áleýmettik nysan úshin respýblikalyq biýdjetten 409,9 mln, oblystyq biýdjetten 22,8 mln teńge bólingen.
Qazaqstan Respýblikasy táýelsizdik alǵan jyldary Shyǵys Qazaqstanda tek 7 emdeý-áleýmettik nysany bolǵan. Qazir olardyń sany 15-ke jetip otyr.
