يمانقۇلوۆتىڭ حابارىنا قاراعاندا، 14 ماۋسىمدا ساعات 18.04-تە قاراعاندى وبلىستىق تجد ءورت ءسوندىرۋ جانە اپات-قۇتقارۋ قىزمەتىنە جەزقازعان قالالىق تجب-دەن وڭتۇستىك-باتىس باعىتقا قاراي 20 شاقىرىم جەردە ورنالاسقان تالاپ اۋىلىندا "بايقوڭىر" عارىش ايلاعىنان قۇلايدى دەپ جوسپارلانعان ايماققا «سويۋز-2.1ا» زىمىران تاسىعىشىنىڭ «پروگرەسس مس-06» عارىش كەمەسىنىڭ اجىراتىلاتىن بولىگى قۇلاۋىنان دالادا ءورت شىققانى جايلى حابار تۇسكەن.
– وقيعا ورنىندا رف "ماشينوستروەنيە" عىلىمي وندىرىستىك بىرلەستىگى" اسكەري وندىرىستىك كورپوراسياسى اق №1 بازاسىنىڭ 5 دانا تەحنيكاسى جۇمىس ىستەپ جاتىر، تاعى 3 دانا تەحنيكا تارتىلادى، قومسىمشا كومەك قاجەت ەمەس، – دەلىنگەن حابارلامادا.
سونىمەن قاتار، قاراعاندى وبلىستىق تجد ءورت ءسوندىرۋ جانە اپات-قۇتقارۋ جۇمىستارى قىزمەتتەرىنىڭ №2 جاساعىنىڭ ورتالىق پۋنكتىنە تالاپ اۋىلىنىڭ تۇرعىنىنان جەزقازعان – قىزىلوردا تاسجولىنىڭ ماڭىنداعى دالادا ءورت شىققانى جايلى حابار تۇسكەن.
وسى حابارلاما بويىنشا ساعات 19.27-دە ءورت ءسوندىرۋ قىزمەتىنىڭ كەزەكشى اۋىسىمىنداعى كۇشتەردى جونەلتۋ تۋرالى شەشىم قابىلدانعان. وقيعا ورنى شامامەن 40 شاقىرىمدا بولدى.
«وقيعا ورنىندا تالاپ اۋىلىنان 16 شاقىرىم جەردە جەزقازعان – قىزىلوردا تاسجولىنىڭ وڭتۇستىگىندە 15 شاقىرىمعا سوزىلعان جەردىڭ ورتەنىپ جاتقانى انىقتالدى، تاسجولدىڭ بويىندا قويۋ ءتۇتىن شىقتى، ءورتتىڭ اۋماعى بەلگىسىز بولدى، وڭتۇستىك-باتىستان سوققان جەلدىڭ ءوتى سەكۋندىنا 15-20 مەترگە جەتكەن. كەيىن جوسپارلى تۇردە ءسوندىرۋ بويىنشا شارالار قابىلداندى»، - دەپ حابارلادى تجك وكىلدەرى.
ءورتتىڭ سالدارىنان زىمىران تاسىعىشتارىنىڭ بولىكتەرىن جيناۋ بويىنشا جۇمىس اتقارىپ جۇرگەن 1964 جىلعى ازامات كۇيىك شالىپ، قازا تاپتى، تاعى ءبىر 1968 جىلعى ازامات اۋرۋحاناعا جەتكىزىلگەن.
ءورتتى سوندىرۋگە 61 ادام جانە تەحنيكانىڭ 22 داناسى جۇمىلدىرىلعان. وسىلايشا ءورت 03.31-دە سوندىرىلگەن. «مەسسەندجەرلەردە زىمىران تاسىعىشتىڭ اجىراتىلعان بولىگىندە گەپتيل بار دەگەن مالىمەت راستالمادى»، – دەدى رۋسلان يمانقۇلوۆ.
