جامبىل وبلىسى جۋالى اۋدانىندا ورنالاسقان مەكتەپتە ۇزاق جىل ەڭبەك ەتكەن مۇعالٸم زەينەتكە شىققاننان كەيٸن بٸردەن جۇمىستان بوساتىلىپ, وقۋ جىلىن اياقتاۋعا مٷمكٸندٸك بەرٸلمەگەن. الايدا پەداگوگ سوتقا جٷگٸنٸپ, جۇمىس بەرۋشٸمەن بولعان داۋدا جەڭٸپ شىقتى. بۇل تۋرالى جوعارعى سوتتىڭ باسپاسٶز قىزمەتٸ مەلٸمدەدٸ, دەپ حابارلايدى Dalanews.kz.
مۇعالٸم 1991 جىلدان بەرٸ مەكتەپتە ەڭبەك ەتٸپ كەلگەن: العاشىندا ۇزارتىلعان كٷن توبىنىڭ تەربيەشٸسٸ, كەيٸن تاريح پەنٸنٸڭ مۇعالٸمٸ بولىپ جۇمىس ٸستەگەن. بىلتىر جىل سوڭىندا زەينەت جاسىنا تولعان ول مەكتەپ ديرەكتورىنان وقۋ جىلى اياقتالعانشا جۇمىسىن جالعاستىرۋعا رۇقسات سۇراعان. الايدا مەكتەپ باسشىلىعى بۇل ٶتٸنٸشكە قۇلاق اسپاي, پەداگوگتى دەرەۋ قىزمەتٸنەن بوساتقان.
مۇعالٸم نە تالاپ ەتتٸ?
پەداگوگ سوتقا جٷگٸنٸپ, جۇمىسىنا قايتا ورنالاستىرۋدى, مەجبٷرلٸ تٷردە جۇمىستان شەتتەتٸلگەن ۋاقىت ٷشٸن جالاقىنى ٶندٸرۋدٸ, سونداي-اق مورالدىق شىعىندى ٶتەۋدٸ سۇراعان.
سوت نە دەدٸ?
جوعارعى سوت تاراتقان اقپاراتقا سەيكەس, سوت مەكتەپتٸڭ ەرەكەتٸنەن ەڭبەك كودەكسٸ, ۇجىمدىق كەلٸسٸمشارت پەن سالالىق كەلٸسٸم تالاپتارىنىڭ ٶرەسكەل بۇزىلعانىن انىقتاعان.
"جۇمىس بەرۋشٸ تاراپىنان ەڭبەك شارتىن بۇزۋ تۋرالى ەسكەرتۋ زاڭدا بەلگٸلەنگەن مەرزٸمدە بەرٸلمەگەن, جۇمىسشىنىڭ قۇقىقتارى ەسكەرۋسٸز قالعان", – دەلٸنگەن حابارلامادا.
اۋداندىق سوت پەداگوگتى بۇرىنعى قىزمەتٸنە قايتا ورنالاستىرۋ, مەجبٷرلٸ تٷردە جۇمىستان شەتتەتٸلگەن التى اي ٷشٸن 2,1 ملن تەڭگە كٶلەمٸندە جالاقى تٶلەۋ, سونداي-اق 100 مىڭ تەڭگە مورالدىق زييان جەنە 250 مىڭ تەڭگە ادۆوكات شىعىندارىن ٶتەۋ تۋرالى شەشٸم شىعارعان.
سونىمەن قاتار سوت اۋداندىق بٸلٸم بٶلٸمٸنە مەكتەپتەگٸ زاڭبۇزۋشىلىقتار بويىنشا جەكە ۇيعارىم جولداعان.
مەكتەپ ديرەكتورى بۇل شەشٸممەن كەلٸسپەگەنٸمەن, وبلىستىق سوت العاشقى ٷكٸمدٸ ٶزگەرٸسسٸز قالدىردى.
