ونىڭ ايتۋىنشا، قازىرگى تاڭدا ەرلەرگە ارنالعان زەينەتكەرلىك جاس – 63، ايەلدەر ءۇشىن 2021 جىلدىڭ 1 قاڭتارىنان – 60 جاس بولىپ بەكىتىلگەن. ال 5 جانە ودان دا كوپ بالا تۋعان (اسىراپ العان) جانە ولاردى سەگىز جاسقا دەيىن تاربيەلەگەن ايەلدەردىڭ 53 جاسقا تولعاندا زەينەتاقى الۋعا قۇقىعى بار.
– ەرلەرگە تولىق زەينەتاقى تاعايىنداۋ ءۇشىن 25 جىلدىق، ال ايەلدەرگە 20 جىلدىق ەڭبەك ءوتىلى تالاپ ەتىلەدى. تالاپ ەتىلگەن ەڭبەك ءوتىلى بولماعان جاعدايدا ازاماتتارعا بار ەڭبەك وتىلىنە سايكەس، تولىق ەمەس كولەمدە زەينەتاقى تاعايىندالادى. 1998 جىلعى 1 قاڭتارعا دەيiنگi كەزەڭگە زەينەتاقى تولەمدەرiن ەسەپتەۋ ءۇشiن ەڭبەك ءوتىلى ەڭبەك كiتاپشاسىمەن راستالادى. ەڭبەك كiتاپشاسى نەمەسە وندا تيiستi جازبالار بولماعان كەزدە ەڭبەك ءوتىلى جۇمىس تۋرالى ءمالiمەتتەردi راستايتىن قۇجاتتار سوت شەشiمi نەگiزiندە بەلگىلەنەدى، – دەدى جانات بالابەك قىزى.
ەلىمىزدە ىنتىماقتاستىق (ەڭبەك)، جيناقتاۋ جۇيەسى جانە بازالىق زەينەتاقىدان تۇراتىن ارالاس زەينەتاقى جۇيەلەرى بار. ىنتىماقتاستىق زەينەتاقى – ازاماتتاردىڭ 1998 جىلدىڭ 1 قاڭتارعا دەيىن كەمىندە 6 اي ەڭبەك ستاجى بولعان نەگىزىندە تاعايىندالىپ رەسپۋبليكالىق بيۋدجەت ەسەبىنەن تولەنەتىن ءتۇرى.
ال بازالىق زەينەتاقى جۇيەسى – زەينەتكەرلىككە شىققان بارلىق ازاماتتارعا ەڭبەك وتىلىنە جانە بۇرىن جۇرگىزىلگەن اۋدارىمدارىنا قاراماستان تاعايىندالىپ رەسپۋبليكالىق بيۋدجەتتەن قارجىلانتىراتىن ءتۇرى.
جيناقتاۋ جۇيەسى – 1998 جىلدان باستاپ مىندەتتى زەينەتاقى جارنالارى ەسەبىنەن قۇرالعان ءبىرىڭعاي زەينەتاقى قورىنان تولەنەتىن ءتۇرى.
ايتا كەتەرلىگى، زەينەتاقى مەن بازالىق زەينەتاقى تولەمىن الۋشى ادام قايتىس بولعان جاعدايدا، ونى جەرلەۋدى جۇزەگە اسىرعان ادامعا، الۋشى قايتىس بولعان ساتتە ءتيىستى قارجى ايلىق ەسەپتىك كورسەتكىشتىڭ 15،7 ەسەلەنگەن مولشەرىندە، ال ۇلى وتان سوعىسىنا قاتىسۋشىسى نەمەسە ونىڭ مۇگەدەگى قايتىس بولعان جاعدايدا 36،6 ەسەلەنگەن ايلىق ەسەپتىك كورسەتكىش مولشەرىندە ءبىرجولعى جاردەماقى تاعايىندالىپ تولەنەدى. زەينەتاقى تولەمدەرi ءومiر بويىنا تاعايىندالادى جانە قايتىس بولعان ايىنا قوسا جۇزەگە اسىرىلادى.
