بٷگٸن 1 قىركٷيەك – بٸلٸم كٷنٸندە جەتٸسۋ وبلىسىندا ەكٸ جاڭا مەكتەپ اشىلدى. سونداي-اق 2 مەكتەپ كٷردەلٸ جٶندەۋدەن كەيٸن قولدانىسقا بەرٸلدٸ. وسى كٷنٸ ٸسكە قوسىلعان جاڭا بٸلٸم مەكەمەسٸنٸڭ بٸرٸ - تەكەلٸ قالاسى رۋدنيچنىي اۋىلىنداعى مەكتەپتٸڭ سالتاناتتى اشىلۋىنا وبلىس ەكٸمٸ بەيبٸت يساباەۆ قاتىستى. اتاپ ٶتسەك, وسىدان بٸر جىل بۇرىن ٶڭٸر باسشىسى مەن باس پروكۋرور بەرٸك اسىلوۆ بۇل مەكتەپتٸڭ ٸرگەتاسىنا «ۋاقىت كاپسۋلاسىن» سالعان بولاتىن. بۇل عيمارات بٸلٸم بەرۋ ينفراقۇرىلىمىن قولداۋ قورىنىڭ ەسەبٸنەن بوي كٶتەردٸ, دەپ حابارلايدى dalanews.kz.
ٶز سٶزٸندە ٶڭٸر باسشىسى اۋىل تۇرعىندارىن جاڭا نىساننىڭ اشىلۋىمەن قۇتتىقتاپ, ادامي كاپيتالدى دامىتۋ مەن بٸلٸم سالاسىن قولداۋ مەملەكەتتٸك ساياساتتىڭ نەگٸزگٸ باسىمدىعى ەكەنٸن اتاپ ٶتتٸ:
- پرەزيدەنتتٸڭ كٸتاپ وقيتىن, ساپالى ۇلت قالىپتاستىرۋ باستاماسى ەڭ الدىمەن بٸلٸم مەن عىلىمعا ۇمتىلعان, قوعامدىق مەدەنيەتٸ جوعارى, زەردەلٸ ۇرپاق تەربيەلەۋدەن باستالادى. وسى ورايدا جاستاردىڭ ساپالى بٸلٸم الۋىنا قولايلى ورتا قالىپتاستىرۋ ٷشٸن مەكتەپتەردٸ جاڭعىرتۋ كەزەڭ-كەزەڭٸمەن جٷرگٸزٸلٸپ كەلەدٸ. اتاپ ايتقاندا, وبلىس قۇرىلعاننان بەرٸ 24 بٸلٸم بەرۋ نىسانى جاڭادان بوي كٶتەرٸپ, 27 نىسان كٷردەلٸ جٶندەۋدەن ٶتتٸ. بٸز بۇل باعىتتاعى جۇمىستى ارى قاراي دا جالعاستىرامىز, - دەدٸ بەيبٸت يساباەۆ.
مۇنان سوڭ وبلىس پروكۋرورى باۋىرجان جۇماقانوۆ سٶز سٶيلەپ:
- مەملەكەت باسشىسى قايتارىلعان اكتيۆتەردٸ ەل يگٸلٸگٸنە پايدالانۋ جٶنٸندە ناقتى مٸندەتتەر جٷكتەدٸ. وسى تاپسىرمانى ورىنداۋ باعىتىنداعى جۇمىستار باس پروكۋراتۋرانىڭ باقىلاۋىندا جٷزەگە اسىرىلۋدا. بٷگٸندە سول جۇمىستاردىڭ ناقتى نەتيجەسٸن كٶرٸپ وتىرمىز. وسىنداي ەلەۋمەتتٸك ماڭىزى زور نىسانداردىڭ بوي كٶتەرۋٸ – ەل يگٸلٸگٸنە باعىتتالعان جۇمىستاردىڭ جەمٸسٸ. بۇل – بالالارىمىزدىڭ ساپالى بٸلٸم الۋىنا جاسالعان ٷلكەن مٷمكٸندٸك, - دەدٸ ول.
مەكتەپتٸڭ سيۆولدىق كٸلتٸن تابىستاۋ رەسٸمٸنەن كەيٸن مەكتەپتٸڭ اشىلۋ لەنتاسى قيىلىپ, جينالعان قوناقتار جاڭا عيماراتتىڭ ٸشٸن ارالاپ كٶردٸ.
مەكتەپ ديرەكتورى ەسەل جاقسىباەۆانىڭ ايتۋىنشا, بٸلٸم مەكەمەسٸ 200 ورىندى, وعان قوسا 30 تەربيەلەنۋشٸگە ارنالعان شاعىن ورتالىعى بار. مۇندا اسحانا, اكت زالى, فيزيكا, حيمييا, بيولوگييا, تسيفرلىق فورماتتاعى مۋلتيمەدييالىق كابينەت, شەبەرحانالار قاراستىرىلعان. بيىلعى وقۋ جىلىندا 145 وقۋشى وقيدى, 38 پەداگوگ جۇمىس ٸستەيدٸ.
جاڭا مەكتەپتە ەڭبەك ەتەتٸن مۇعالٸمدەر اراسىندا بيىل جۇمىسقا تۇرعان جاس مامان دا بار.
- مەن سەمەي قالاسىنداعى شەكەرٸم اتىنداعى ۋنيۆەرسيتەتتٸ بٸتٸرٸپ كەلدٸم. العاشقى جۇمىس ورنىمدى جاڭا مەكتەپتە باستاپ جاتقانىما قۋانىشتىمىن. قازاق تٸلٸ مەن ەدەبيەتٸ پەنٸنەن ساباق بەرەمٸن, 7 سىنىپ جەتەكشٸسٸمٸن. وقۋشىلاردىڭ زەيٸنٸن اشۋعا, تەرەڭ بٸلٸم بەرۋگە, مەكتەپكە ەڭبەگٸمدٸ سٸڭٸرۋگە بار كٷش-جٸگەرٸمدٸ جۇمسايمىن, - دەدٸ جاس مامان بالنۇر وتارباي.
جاڭا مەكتەپتٸڭ اشىلۋىنا قاتىستى اتا-انالار مەن وقۋشىلار دا پٸكٸر بٸلدٸردٸ.
- وتباسىندا بەس بالام بار. بالالارىمنىڭ بەرٸ وسى رۋدنيچنىي اۋىلىنىڭ مەكتەبٸنەن بٸلٸم الۋدا. ٷلكەن قىزىم التىن بەلگٸگە بٸتٸرٸپ, قازٸر جوعارى وقۋ ورنىندا فيزيكا پەنٸنٸڭ مۇعالٸمٸ ماماندىعىنا وقىپ جاتىر. تٶرت بالام بٷگٸن جاڭا مەكتەپكە كەلدٸ. بۇرىنعى عيمارات قىستا سۋىق بولدى, بالالار سىرت كيٸم كيٸپ وتىراتىن. جاڭا مەكتەپ زاماناۋي, مۇندا بٸلٸم الۋعا قاجەتتٸ بارلىق جابدىقتار بار. وسى يگٸ ٸسكە اتسالىسقان بارشا ازاماتتارعا العىس ايتامىن, - دەدٸ كٶپ بالالى انا اينۇر جاقييا.
- ٶزٸم روبوتوتەحنيكامەن اينالىسقاندى جاقسى كٶرەمٸن. بۇرىنعى مەكتەپتە وعان مٷمكٸندٸك جوق ەدٸ. قازٸر جاڭا عيماراتتا روبوتوتەحنيكاعا ارنالعان ارنايى كابينەت بار. وسى كابينەتتە توپ بولىپ, تٷرلٸ روبوتتار قۇراستىرۋدى ٷيرەنەمٸز. بۇل بٸزدٸڭ ٸت سالاسىنىڭ العاشقى ەلٸپپەسٸن مەكتەپ قابىرعاسىنان بٸلٸپ شىعۋىمىزعا كٶپ كٶمەگٸن تيگٸزەدٸ دەپ ويلايمىز, - دەيدٸ 10-سىنىپ وقۋشىسى ميراس نۇرشاتۇلى.
جالپى, بيىلعى جاڭا وقۋ جىلىندا ٶڭٸردە ەكٸ جاڭا مەكتەپ – تەكەلٸ قالاسى رۋدنيچنىي اۋىلىنداعى № 7 مەكتەپ پەن پانفيلوۆ اۋدانى سٷپتاي اۋىلىنداعى ورتا مەكتەپ, سونداي-اق كٷردەلٸ جٶندەۋدەن ٶتكەن تاعى ەكٸ - كٶكسۋ اۋدانى بوزتوعان اۋىلىنداعى مۇسابەك اتىنداعى جەنە ەسكەلدٸ اۋدانى ەلتاي اۋىلىنداعى سەكەن سەيفۋللين اتىنداعى مەكتەپتەر قولدانىسقا بەرٸلدٸ.
وبلىس قۇرىلعاننان بەرٸ اتقارىلعان شارالاردىڭ ارقاسىندا ەلەۋمەتتٸك سالا نىساندارىنىڭ جاڭارتىلۋ دەڭگەيٸ 55,8% بولدى. سونىمەن قاتار 2022 جىلى وبلىستا بەيٸمدەلگەن مەكتەپتەر سانى 75 بولسا, قازٸر بۇل كٶرسەتكٸش 37-گە دەيٸن قىسقارعان.
ەسكە سالساق, قايتارىلعان اكتيۆتەر ەسەبٸنەن وبلىس اۋماعىندا جالپى سانى 29 نىسان سالىنۋدا, سونىڭ 4-ەۋٸ – مەكتەپ (رۋدنيچنىي اۋىلىنداعى مەكتەپتٸ قوسا العاندا), سونداي-اق دەنساۋلىق ساقتاۋ جەنە سۋ شارۋاشىلىعى نىساندارى بار.
