مەملەكەت باسشىسى «قازمۇنايگاز» ۇك اق باسقارما تٶراعاسى اسحات حاسەنوۆتٸ قابىلدادى, دەپ حابارلايدى Dalanews.kz.
قاسىم-جومارت توقاەۆقا ۇلتتىق كومپانييانىڭ 2025 جىلى اتقارعان جۇمىسى مەن بيىلعى مٸندەتتەرٸ جٶنٸندە مەلٸمەت بەرٸلدٸ.
اسحات حاسەنوۆتٸڭ ايتۋىنشا, بىلتىر قىتايدىڭ CNOOC جەنە Sinopec كومپانييالارىمەن اتىراۋ وبلىسىنداعى جىلىوي جەنە باتىس قازاقستان وبلىسىنداعى بەرەزوۆسكيي جوبالارى بويىنشا جەر قويناۋىن پايدالانۋ كەلٸسٸمشارتتارى جاسالدى. Turkish Petroleum Corporation, BP, حورۆات كٶمٸرسۋتەگٸ اگەنتتٸگٸ سەكٸلدٸ ٸرٸ حالىقارالىق كەسٸپورىندار ەلٸمٸزدەگٸ پەرسپەكتيۆتٸ ۋچاسكەلەردٸ زەرتتەپ جاتىر.
پرەزيدەنتكە «قازمۇنايگاز» كومپانيياسى بۇعان دەيٸن كەڭ كٶلەمدە زەرتتەلمەگەن جەنە جٸتٸ كٶڭٸل بٶلٸنبەگەن اۋماقتاردا گەولوگييالىق بارلاۋ جٷرگٸزۋگە ەرەكشە دەن قويعانى جٶنٸندە باياندالدى. 2025 جىلى 8 ٸزدەۋ ۇڭعىماسىن بۇرعىلاۋ اياقتالدى, ال 2029 جىلعا دەيٸن تاعى 24 ٸزدەۋ ۇڭعىماسىن بۇرعىلاۋ جوسپارلانعان. جالپى ينۆەستيتسييا كٶلەمٸ 900 ميلليون دوللاردان اسادى.
مەملەكەت باسشىسىنا ۇسىنىلعان ەسەپكە سەيكەس 2025 جىلدىڭ قورىتىندىسى بويىنشا مۇناي مەن كوندەنسات ٶندٸرۋ كٶلەمٸ 26,2 ميلليون تونناعا جەتتٸ. بۇل 2024 جىلمەن سالىستىرعاندا 10 پايىزعا جوعارى. بۇدان بٶلەك, كٶگٸلدٸر وتىن ٶندٸرۋ كٶلەمٸن جىلىنا قوسىمشا 2,3 ميلليارد تەكشە مەترگە ۇلعايتۋ ٷشٸن باتىس پرورۆا, ورتالىق ٶرٸكتاۋ جەنە روجكوۆ كەن ورىندارىندا جۇمىس جٷرگٸزٸلٸپ جاتىر.
بىلتىر «قازمۇنايگازدىڭ» ٷش مۇناي ٶڭدەۋ زاۋىتىندا 17,5 ميلليون توننا شيكٸزات ٶڭدەلدٸ. جەڭٸل مۇناي ٶنٸمدەرٸن شىعارۋ كٶلەمٸ - 13,6 ميلليون توننا (2024 جىلعى كٶرسەتكٸشتەن 1,2 ميلليون تونناعا ارتىق).
سونداي-اق, قاسىم-جومارت توقاەۆ مۇناي-گاز حيميياسى مەن گاز ٶڭدەۋ سالاسىنداعى جالپى قۇنى 15 ميلليارد دوللاردان اساتىن ٸرٸ ينۆەستيتسييالىق جوبالاردى ٸسكە اسىرۋ بارىسىمەن تانىستى. ماڭعىستاۋ وبلىسىندا قۋاتى تەۋلٸگٸنە 50 مىڭ تەكشە مەتر بولاتىن «كەندٸرلٸ» تەڭٸز سۋىن تۇشىتۋ زاۋىتى پايدالانۋعا بەرٸلدٸ.
كەزدەسۋ سوڭىندا مەملەكەت باسشىسى گەولوگييالىق بارلاۋ جۇمىستارىن جانداندىرۋعا جەنە ٸرٸ ينۆەستيتسييالىق جوبالاردى ۋاقتىلى ٸسكە اسىرۋعا قاتىستى مٸندەت جٷكتەدٸ.
