تاتارستاندا بولعان جانتٷرشٸگەرلٸك جول اپاتىنان التى ادام قازا تاپتى. الدىن الا اقپارات بويىنشا, كٶلٸكتە 15-16 جاستاعى جاسٶسپٸرٸمدەر بولعان, دەپ حابارلايدى dalanews.kz.
قايعىلى وقيعا زەلەنودولسك قالاسىندا بولعان. جولاۋشىلار مٸنگەن جەڭٸل كٶلٸك اعاشقا سوعىلىپ, ارتىنشا ٶرتەنٸپ كەتكەن.
اپاتتان 15 جاستاعى جاسٶسپٸرٸم عانا امان قالدى. ول دەنەسٸنٸڭ 30 پايىزى كٷيٸپ, اۋرۋحاناعا جەتكٸزٸلگەن. بالا ەسٸن بٸلەدٸ, الايدا اۋىر كٷيزەلٸستە بولعاندىقتان, كٶلٸكتٸ كٸم باسقارعانىن ەزٸرگە ايتا الماعان.
قازا تاپقانداردىڭ دەنەلەرٸ قاتتى كٷيٸپ كەتكەن. وسىعان بايلانىستى ولاردىڭ جەكە باسىن انىقتاۋ ٷشٸن گەنەتيكالىق ساراپتاما جٷرگٸزٸلەدٸ.
تاتارستان پروكۋراتۋراسىنىڭ مەلٸمەتٸنشە, جول اپاتى 24 شٸلدەگە قاراعان تٷنٸ زەلەنودولسك قالاسىنداعى ۆولجسكايا كٶشەسٸندە بولعان. جٷرگٸزۋشٸ مەن بەس جولاۋشى العان جاراقاتتارىنان وقيعا ورنىندا كٶز جۇمعان.
وقيعانىڭ بارلىق مەن-جايىن انىقتاۋ ٷشٸن اپات ورنىنا زەلەنودولسك قالاسىنىڭ پروكۋرورى دميتريي ەرپەلەۆ بارعان. تەكسەرۋ بارىسى قاداعالاۋ ورگانىنىڭ باقىلاۋىنا الىندى.
جول قوزعالىسى ەرەجەسٸن بۇزۋ سالدارىنان ادامداردىڭ قازا تابۋىنا بايلانىستى رەسەي قىلمىستىق كودەكسٸنٸڭ 264-بابىنىڭ 5-بٶلٸگٸ بويىنشا قىلمىستىق ٸس قوزعالدى.
كەيٸن قۇقىق قورعاۋ ورگاندارى كٶلٸكتٸ جٷرگٸزۋشٸ كۋەلٸگٸ جوق 30 جاستاعى ەر ادام باسقارعانىن حابارلادى.
قازٸر جەرگٸلٸكتٸ تۇرعىندار اپات ورنىنا گٷل شوقتارىن ەكەلٸپ, قازا تاپقانداردىڭ تۋىستارىنا كٶڭٸل ايتىپ جاتىر.
