شىعىس قازاقستانداعى زايسان قالاسىندا 30 پاتەرلى تۇرعىن ءۇي پايدالانۋعا بەرىلدى. بۇل باسپانالار الەۋمەتتىك ءالسىز ساناتتاعى ازاماتتارعا – كوپبالالى وتباسىلارعا، اتا-انا قامقورلىعىنسىز قالعان بالالارعا، سونداي-اق بيۋدجەتتىك سالا قىزمەتكەرلەرىنە تابىستالدى،- دەپ حابارلايدى Dalanews.kz
مەملەكەتتىڭ باسىم باعىتتارىنىڭ ءبىرى – حالىقتى قولجەتىمدى تۇرعىن ۇيمەن قامتاماسىز ەتۋ. وسى ماقساتتا قولعا الىنعان جوبالار ەل ىشىندە الەۋمەتتىك ادىلەتتىلىكتى كۇشەيتۋگە، ازاماتتاردىڭ ءومىر ءسۇرۋ ساپاسىن ارتتىرۋعا باعىتتالعان. زايساندا بوي كوتەرگەن بۇل تۇرعىن ءۇي دە وسى باستامالاردىڭ جارقىن كورىنىسى.
سالتاناتتى راسىمگە قاتىسقان اۋدان باسشىلىعى جاڭا قونىس يەلەرىن شىن جۇرەكتەن قۇتتىقتاپ، يگىلىك پەن بەرەكە تىلەدى. اكىمدىكتىڭ مالىمدەۋىنشە، مۇنداي جوبالار الداعى ۋاقىتتا دا جالعاسادى. بۇل تۇرعىن ءۇي – تەك باسپانا عانا ەمەس، ءار وتباسى ءۇشىن جاڭا ومىرگە قادام، بولاشاققا سەنىمدى نەگىز.
جاڭا باسپانا يەلەرى كورسەتىلگەن قولداۋ ءۇشىن ريزاشىلىقتارىن ءبىلدىرىپ، ءوز شاڭىراقتارىندا جايلى ءومىر سۇرۋگە مۇمكىندىك العاندارىن اتاپ ءوتتى. كوپشىلىگى بۇل ءساتتى كوپتەن كۇتكەنىن جانە ەندى ءوز شاڭىراعىندا بەيبىت، تۇراقتى ءومىر باستايتىندارىن جەتكىزدى.