وندا 2017 جىلعى دٷنيەجٷزٸ قازاقتار قاۋىمداستىعى بەسٸنشٸ قۇرىلتايىندا ەلباسى تاپسىرعان 7 تاپسىرمانىڭ بٸرازى ورىندالىپ جاتقاندىعى تۋرالى ايتىلدى. تٸكەلەي پرەزيدەنت تاپسىرماسىمەن «وتانداستار» قورى قۇرىلىپ, بٷگٸندە ٶز جۇمىسىن جٷرگٸزٸپ جاتىر.
«ەۋەلٸ ٶزدەرٸڭٸز بٸلەتٸندەي «مەڭگٸلٸك ەل» بولۋ ٷشٸن حالىقتىڭ سانىن كٶبەيتۋ كەرەك. سول سەبەپتٸ دە ەلدەن جىراقتا جٷرگەن 4-5 ملن قازاقتى وتانعا ەكەلۋ كەرەك.
بٸز رەسەيدٸ, موڭعولييانى, قىتاي مەن ٶزبەكستاندى ارالاپ شىقتىق. كەلگٸسٸ كەلٸپ وتىرعان بٸر ميلليونداي حالىق بار. بٸراق وسى جەردە تاعى بٸر مەسەلە بار. ول – وسىنداعى حالىقتىڭ ٶزٸندە باسپانا جەتٸسپەي جاتىر. ٷي-كٷيٸ جوق. سوندىقتان ولارعا ەۋەلٸ باسپانا, سوسىن جۇمىس ورىنىن بەرۋٸمٸز كەرەك» – دەيدٸ تٶراعانىڭ ورىنباسارى.
ول بۇل تۇرعىدا شىمكەنتتٸڭ شەتٸندەگٸ «اسار» اۋىلىن ٷلگٸ ەتتٸ.
– ونى وسىدان 15 جىل بۇرىن جاساعانبىز. وسىنىڭ جوباسىن جاڭعىرتۋ ماقساتىندا, استانادان 10 شاقىرىم (قاراعاندى-استانا تراسساسىنىڭ بويىندا) 200 گەكتار جەر الىپ وتىرمىز. ونى الداعى ۋاقىتتا 500 گەكتارعا ۇلعايتۋ جوسپاردا بار. ەكٸنشٸ – شىمكەنت پەن تاشكەنت اراسىنان 200 گەكتار جەر الدىق. وندا دا ەلدٸ-مەكەن جاساۋعا ەرەكەت جاساپ جاتىرمىز, – دەگەن زاۋىتبەك تۇرىسبەكوۆ بۇل جەرلەرگە قىتايدان ينۆەستيتسييا تارتاتىنىن ايتتى.
ول ٷشٸن قازاقستان مەن قىتاي اراسىنداعى 51 ٶنەركەسٸپتٸك جوباسىنىڭ قاتارىنا قوسىلۋ ماقساتىندا جۇمىس ٸستەلٸپ جاتقانىن ايتتى.
«سول ارقىلى قىتايدان 5-6 زاۋىت ەكەلٸپ, سولار ارقىلى ەكٸ ەلدٸ-مەكەننٸڭ قۇرىلىسىن باستايمىز. بۇل الداعى ۋاقىتتا ەلٸمٸزدٸڭ 9 وبلىسىندا جالعاسىن تاباتىن بولادى» – دەيدٸ زاۋىتبەك تۇرىسبەكوۆ.
ونىڭ ايتۋىنا قاراعاندا, قاۋىمداستىقتىڭ العا قويعان ماقساتتارى تولىق ورىندالعان جاعدايدا الداعى 5 جىلدىڭ ٸشٸندە ەلگە كەلگەن قانداستاردىڭ بارلىعى جۇمىسپەن, باسپانامەن قامتاماسىز ەتٸلەتٸن بولادى.
«بٸزدٸڭ سونداي ەسەبٸمٸز بار. بەس جىلدا ەلگە كەلگەن جالپى باۋىرلارىمىزدىڭ باسپاناسى مەن جۇمىس ورنىن شەشۋٸمٸز كەرەك. بۇل – ەلباسىمىزدىڭ تاپسىرماسى» – دەيدٸ زاۋىتبەك تۇرىسبەكوۆ.
ونىڭ ايتۋىنا قاراعاندا, شەتتە جٷرگەن قازاقتاردىڭ ەڭ باستى مەسەلەلەرٸنٸڭ بٸرٸ ۇلت رەتٸندە تٸلدەن ايىرىلىپ بارا جاتقاندىعى.
– قىتايدا بولدىق. بارلىق جاستار قىتاي تٸلٸندە سٶيلەيدٸ, اقپاراتتى سول تٸلدە الادى. رەسەيدەگٸ جاعداي دا تۋرا سونداي. بارلىعى ورىسشا وقىپ جاتىر. سوندىقتان بٸز قازٸر باعدارلاما جاساپ جاتىرمىز. وندا سول بالالارعا قازاق تٸلٸن قالاي مەڭگەرتۋ كەرەك, ەدەت-عۇرپىمىزدى, سالت-دەستٷرٸمٸزدٸ قالاي ٷيرەتەمٸز دەگەن مەسەلەلەر قارالعان. سول ٷشٸن بٸز قىسقا دا نۇسقا 8-9 بەينەروليك جاسادىق. سەبەبٸ قازٸرگٸ جاستار ۇزاق, بٸر ساعاتتتىق, ەكٸ ساعاتتىق كينونى كٶرمەيدٸ. بٸز سونى ەسكەرە وتىرىپ ۇلتتىق رۋحىمىزعا, تانىم-تٷسٸنٸگٸمٸزگە قاتىستى دٷنيەلەردٸ 5 مينۋتقا سيدىرۋعا تىرىستىق, – دەيدٸ ول.
الداعى ۋاقىتتا بۇل روليكتەردٸ كينوتەاترلارمەن كەلٸسە وتىرىپ, كينو باستالاردىڭ الدىندا ٷلكەن ەكراننان كٶرسەتۋدٸ قولعا الماقشى.
