قازاقستاندا جۇمىسپەن قامتۋدىڭ تسيفرلىق ەدٸسٸ ەنگٸزٸلٸپ جاتىر. بۇل تۋرالى ٷكٸمەت وتىرىسىندا ەڭبەك جەنە حالىقتى ەلەۋمەتتٸك قورعاۋ مينيسترٸ اسقاربەك ەرتاەۆ مەلٸمدەدٸ, دەپ حابارلايدى dalanews.kz.
جاڭا مودەلدٸڭ نەگٸزگٸ قاعيداتى مىناداي: ادام جۇمىستى ٸزدەمەيدٸ, جۇمىس ادامدى ٶزٸ تابادى.
جٷيە جۇمىس بەرۋشٸلەردٸڭ ٶتٸنٸشٸ نەگٸزٸندە جۇمىسقا مۇقتاج ازاماتتاردى اۆتوماتتى تٷردە انىقتايدى. سودان كەيٸن ولارعا eGov جەنە Enbek.kz موبيلدٸ قوسىمشالارى ارقىلى نەمەسە 1414 نٶمٸرٸنەن تيٸستٸ حابارلامالار جٸبەرەدٸ.
جاساندى ينتەللەكت ازاماتتىڭ جەكە ەرەكشەلٸكتەرٸن ەسكەرە وتىرىپ, ٶڭٸر ٸشٸندە دە, ودان تىس جەردە دە جۇمىس ورىندارىن ٸرٸكتەيدٸ. سونىمەن قاتار, ازاماتتارعا وقىتۋ كۋرسىنان ٶتۋ جەنە قايتا دايارلاۋ, قونىس اۋدارۋ مٷمكٸندٸكتەرٸن ۇسىنادى.
شٸلدەدە سەرۆيس پاۆلودار وبلىسىندا ەنگٸزٸلگەن. جۇمىسقا ورنالاستىرۋ بويىنشا 39 مىڭ حابارلاما جٸبەرٸلگەن. بۇل كەزەڭدە ٶڭٸردە 962 ادام جۇمىسقا ورنالاسقان. قىركٷيەكتە سەرۆيستٸ ماڭعىستاۋ وبلىسىندا ەنگٸزۋ جوسپارلانىپ وتىر. جىل سوڭىنا دەيٸن سەرۆيس ەلٸمٸزدٸڭ بارلىق 20 ٶڭٸرٸنە اۋقىمدى تٷردە ەنگٸزٸلەدٸ.
