استانادا 2022 جىلى اقوردا الدىندا ميتينگ ۇيىمداستىرعان مارات ەبيەۆكە قاتىستى تاعى بٸر سوت ٷكٸمٸ شىعارىلدى, دەپ حابارلايدى Dalanews.kz.
قارجى مونيتورينگٸ اگەنتتٸگٸنٸڭ مەلٸمەتٸنشە, 2025 جىلى 14 اقپاندا استانا قالاسىنىڭ مامانداندىرىلعان اۋدانارالىق سوتىنىڭ ٷكٸمٸمەن "بولاشاق سەۋلەتشٸلەرٸ" قورىنىڭ نەگٸزٸن قالاۋشى مارات ەبيەۆ پەن ونىڭ سىبايلاستارى سوتتالدى.
مارات ەبيەۆ ۇيىمداسقان توپتى قۇرۋ جەنە باسقارۋ, سونداي-اق وعان قاتىسۋ, مۇناي مەن مۇناي ٶنٸمدەرٸن زاڭسىز ساتىپ الۋ, ساتۋ, ساقتاۋ جەنە تاسىمالداۋ, سونداي-اق ولاردىڭ زاڭدىلىعىن راستايتىن قۇجاتتارسىز ٶڭدەۋ,ەكونوميكالىق كونتراباندا باپتارى بويىنشا 9 جىلعا باس بوستاندىعىنان ايىرىلدى.
سونداي-اق ونىڭ مەملەكەتتٸك قىزمەتتە ٶمٸر بويىنا لاۋازىمداردى اتقارۋىنا, قوعامدىق بٸرلەستٸكتەردٸ قۇرۋعا جەنە باسشىلىققا الۋعا بايلانىستى قىزمەتپەن 5 جىل مەرزٸمگە اينالىسۋىنا تىيىم سالىندى.
ونىڭ سىبايلاستارى - انتون نوۆيتسكيي, جانٸبەك داريباەۆ, ەۆگەنيي گرەبنەۆ, اماناي ماحمەتوۆ 8 جىلعا باس بوستاندىعىنان ايىرىلدى. سوت شەشٸمٸ بويىنشا ايىپتالۋشىلاردىڭ مٷلكٸ تەركٸلەنٸپ, ولاردىڭ كونتراباندالىق جولمەن الىنعان 6 ملرد تەڭگەدەن استام قىلمىستىق تابىسى تەركٸلەندٸ.
سوت ٷكٸمٸ ەلٸ زاڭدى كٷشٸنە ەنگەن جوق.
ايتا كەتسەك, 2018-2022 جىلدار ارالىعىندا اتالعان تۇلعالار ۇيىمداسقان توپ قۇرىپ, اقتٶبە وبلىسىنداعى مٶز-دا ەاەو اۋماعىندا كٶلەمٸ 50,6 مىڭ توننا بولاتىن ساتۋعا تىيىم سالىنعان "ك-2" ەكولوگييالىق كلاستى ديزەل وتىنىن ٶندٸرگەن.
"كەيٸن بۇل ديزەل وتىنى باسقا مۇناي ٶنٸمٸ رەتٸندە 11,3 ملرد تەڭگەگە ساتىلدى, سونىڭ ٸشٸندە 22,6 مىڭ تونناسى 6,7 ميلليارد تەڭگەگە شەتەلگە كونتراباندالىق جولمەن شىعارىلدى. ناقتىلاي كەتسەك, مۇناي ٶنٸمدەرٸنٸڭ زاڭسىز اينالىمىنان تٷسكەن قىلمىستىق تابىس ارقىلى "Genesis" (نەمەسە "بولاشاق سەۋلەتشٸلەرٸ") اتتى زاڭسىز قوعامدىق بٸرلەستٸكتٸڭ قىزمەتٸ قارجىلاندىرىلعان", دەپ مەلٸمدەگەن سول كەزدە قما.
زاڭسىز قوعامدىق بٸرلەسٸك قۇرىپ, ونى باسقارعانى ٷشٸن 2023 جىلدىڭ 21 تامىزىندا مارات ەبيەۆ 7 جىلعا سوتتالعان بولاتىن. ەر ادام بٸر توپ اداممەن بٸرگە اقوردا الدىنا جينالىپ, ٶزٸنٸڭ جوباسىن ماقۇلداۋدى تالاپ ەتكەن.
