«زاڭ مەن تەرتٸپ» قاعيداتى اياسىندا استانا قالاسى پروكۋراتۋراسى, پوليتسييا دەپارتامەنتٸ جەنە ەكٸمدٸك بٸرلەسٸپ, №4 قالالىق ەمحانادا مەديتسينالىق قىزمەتكەرلەرگە ارنالعان تٷسٸندٸرۋ جۇمىسىن جٷرگٸزدٸ, دەپ حابارلايدى Dalanews.kz.
كەزدەسۋدە ناشاقورلىقتىڭ الدىن الۋ, سونداي-اق مەديتسينا قىزمەتكەرلەرٸ ٷشٸن ەڭبەك زاڭناماسىنىڭ نورمالارىن ساقتاۋ مەسەلەلەرٸ تٷسٸندٸرٸلدٸ.
جىل باسىنان بەرٸ ەلوردادا ەسٸرتكٸنٸڭ زاڭسىز اينالىمىنا قاتىستى شامامەن 288 قىلمىستىق ٸس قوزعالعان.
سونىمەن قاتار ەسٸرتكٸ تاراتۋمەن اينالىسقان تۇلعالارعا قاتىستى 95-تەن استام ٸس تٸركەلگەن. زاڭسىز اينالىمنان شامامەن 42 كەلٸ ەسٸرتكٸ تەركٸلەنگەن.
استانا قالاسى پوليتسييا دەپارتامەنتٸ ەسٸرتكٸ قىلمىستارىنا قارسى ٸس-قيمىل باسقارماسىنىڭ بٶلٸم باسشىسى ەلييا قيباتقىزىنىڭ ايتۋىنشا, بۇل قۇقىقبۇزۋشىلىقتارعا كٶبٸنە جاستار تارتىلادى.
ونىڭ ايتۋىنشا, سينتەتيكالىق ەسٸرتكٸلەر اسا قاۋٸپتٸ, سەبەبٸ ولار تەز ارادا فيزيكالىق تەۋەلدٸلٸك قالىپتاستىرادى.
مۇنداي زاتتار كٶبٸنە ينتەرنەت جەنە جاسىرىن جارنامالار ارقىلى تاراتىلادى.
مامانداردىڭ مەلٸمەتٸنشە, ۇستالعانداردىڭ كەيبٸرٸ تٸپتٸ ەسٸرتكٸ تاراتقانىن بٸلمەگەن كٷيدە قىلمىسقا ارالاسىپ كەتكەن. ال ەسٸرتكٸ جاسىرۋشىلاردىڭ «كارەراسى» ەدەتتە ەكٸ ايدان اسپايدى.
قىلمىسكەرلەر تىيىم سالىنعان زاتتاردى تاراتۋ ٷشٸن تٷرلٸ تەسٸلدەردٸ قولدانادى: گراففيتي جازۋلار, QR-كودى بار جارنامالار, پاراقشالار, شتامپتار جەنە ينتەرنەت-سايتتار. جىل باسىنان بەرٸ ەسٸرتكٸ ناسيحاتتايتىن 488-دەن استام ينتەرنەت-رەسۋرس انىقتالعان.
پوليتسييا ەسٸرتكٸ قىلمىستارى اۋىر جەنە اسا اۋىر ساناتقا جاتاتىنىن ەسكە سالدى. قىلمىستىق جاۋاپكەرشٸلٸك 14 جاستان باستاپ قاراستىرىلادى.
قر قىلمىستىق كودەكسٸنٸڭ 297-بابىنا سەيكەس, ەسٸرتكٸ قۇرالدارىن زاڭسىز ساتىپ الۋ, ساقتاۋ, تاسىمالداۋ, جٶنەلتۋ نەمەسە ساتۋ 5 جىلدان 8 جىلعا دەيٸن باس بوستاندىعىنان ايىرۋ جەنە مٷلٸكتٸ تەركٸلەۋ جازاسىن كٶزدەيدٸ.
قۇقىق قورعاۋشىلار ازاماتتارعا ەسٸرتكٸ ساقتاۋ نەمەسە ساتۋ دەرەكتەرٸ بەلگٸلٸ بولعان جاعدايدا, سونداي-اق كٷدٸكتٸ تۇلعالار تۋرالى اقپارات بولسا, پوليتسييانىڭ سەنٸم تەلەفوندارىنا حابارلاسۋدى ەسكەرتتٸ.
قوڭىراۋلار تەۋلٸك بويى 71-63-93 جەنە 102 نٶمٸرلەرٸ ارقىلى قابىلدانادى.
سونىمەن قاتار ماماندار مەديتسينا قىزمەتكەرلەرٸنٸڭ كٷندەلٸكتٸ جۇمىسى جوعارى قاۋٸپ جاعدايىندا ٶتەتٸنٸن اتاپ ٶتتٸ. وعان ماس نەمەسە ەسٸرتكٸلٸك ماس كٷيدەگٸ ناۋقاستارعا بارۋ سيياقتى جاعدايلار دا كٸرەدٸ.
جەدەل جەردەم قىزمەتٸ ماماندارىنىڭ قاۋٸپسٸزدٸگٸن ارتتىرۋ ماقساتىندا جاڭا باقىلاۋ جەنە قورعاۋ شارالارى ەنگٸزٸلۋدە. بارلىق بريگادادا اۋديومونيتورينگ جٷيەسٸ ورناتىلعان. ول قىزمەتكەرلەر اراسىنداعى داۋدى ازايتىپ, بايلانىس مەدەنيەتٸن جاقسارتۋعا جەنە زاڭدىق قورعاۋدى كٷشەيتۋگە مٷمكٸندٸك بەرەدٸ.
ەسكە سالايىق, قازاقستان قىلمىستىق كودەكسٸنە مەديتسينالىق قىزمەتكەرلەر مەن جەدەل جەردەم جٷرگٸزۋشٸلەرٸنە قىزمەت بارىسىندا جاسالعان قورقىتۋ جەنە كٷش كٶرسەتۋ ەرەكەتتەرٸ ٷشٸن جاۋاپكەرشٸلٸك كٶزدەيتٸن 380-3-باپ ەنگٸزٸلگەن.
