مەنەرلەپ سىرعاناۋدان وليمپيادا چەمپيونى ميحايل شايدوروۆ سپورت سالاسىنداعى شەنەۋنٸكتەردٸڭ تٶلەمدەر مەن كەلٸسٸمشارتقا قاتىستى پٸكٸرلەرٸنە جاۋاپ بەردٸ. سپورتشى ٶز ەسٸمٸنٸڭ نەگٸزسٸز داۋعا ارالاسقانىن قالامايتىنىن ايتتى, دەپ حابارلايدى dalanews.kz.
شايدوروۆ الدىمەن ٶزٸنە قولداۋ بٸلدٸرگەن قازاقستاندىقتارعا العىس ايتىپ, مەملەكەتتٸك ورگاندارمەن اشىق تارتىسقا تٷسكٸسٸ كەلمەيتٸنٸن, الايدا ٶزٸنٸڭ اتىنا ايتىلعان پٸكٸرلەرگە ٷنسٸز قالا المايتىنىن جەتكٸزدٸ.
«ەڭبەك سٸڭٸرگەن سپورت شەبەرٸ» كۋەلٸگٸن ەلٸ الماعان
سپورتشىنىڭ سٶزٸنشە, ول 2025 جىلى ەلەم چەمپيوناتىندا كٷمٸس جٷلدە العاننان كەيٸن «ەڭبەك سٸڭٸرگەن سپورت شەبەرٸ» نورماتيۆٸن ورىنداعانىمەن, وسى كٷنگە دەيٸن تيٸستٸ كۋەلٸگٸن الماعان.
– تٷسٸنٸكتەمە بەرگٸم كەلەدٸ. يە, بٷگٸنگٸ كٷنگە دەيٸن ماعان ەڭبەك سٸڭٸرگەن سپورت شەبەرٸ كۋەلٸگٸ تابىستالعان جوق. مەن بارلىق رەسٸمدەردەن ٶتتٸم, بٸراق قۇجاتتى المادىم. ماعان قىزىل كٸلەم تٶسەلگەن سالتاناتتى رەسٸم كەرەك ەمەس, ونى پوشتا ارقىلى كونۆەرتپەن جٸبەرسە دە الار ەدٸم. بۇل كۋەلٸك – مەنٸڭ ون جىلدىق ەڭبەگٸمنٸڭ نەتيجەسٸ, جەتٸستٸگٸم مەن مۇرام, – دەپ جازدى شايدوروۆ Threads پاراقشاسىندا.
وليمپيادا سىياقىسىنا قاتىستى شاعىمى جوق
شايدوروۆ وليمپيادا ويىندارى ٷشٸن بەرٸلەتٸن سىياقىلاردىڭ كەشٸگۋٸنە قاتىستى نارازىلىعى جوعىن ايتتى. ونىڭ سٶزٸنشە, مۇنداي رەسٸمدەر ۋاقىت الادى جەنە تيٸستٸ جۇمىستار جٷرگٸزٸلٸپ جاتقانىنا سەنٸمدٸ.
ٶمٸر بويعى تٶلەم تۋرالى: «بۇل اقپارات تولىق دۇرىس ەمەس»
سپورتشى مينيسترلٸك جاۋابىندا ٶمٸر بويى تٶلەنەتٸن تٶلەمدەر تۋرالى ايتىلعان مەلٸمەتتەردە سەيكەسسٸزدٸك بارىن جەتكٸزدٸ.
– مينيسترلٸك جاۋاپ بەرۋگە اسىققان سيياقتى, سەبەبٸ بۇل اقپارات تولىق دۇرىس ەمەس. مەن بۇل تٶلەمدەردٸ تەك 20 جىل ەڭبەك ٶتٸلٸ بولعان جاعدايدا عانا الا الامىن. قازٸر مەن نەبەرٸ 21 جاستامىن. سوندىقتان قازٸر بۇل تٶلەمدەرگە ٷمٸت ارتىپ وتىرعان جوقپىن. بولاشاقتا ونداي ەڭبەك ٶتٸلٸن جيناقتاۋىم مٷمكٸن, بٸراق ەزٸرگە بۇل تۋرالى ايتۋ ەرتە. الدا ەلٸ كٶپ جۇمىس بار, – دەدٸ ول.
كەلٸسٸمشارتتاعى باستى داۋ – 2030 جىلعى وليمپيادا تۋرالى تالاپ
شايدوروۆ جاڭا كەلٸسٸمشارتقا قاتىستى دا پٸكٸر بٸلدٸرٸپ, كومانداسى تەك بٸر تارماقتى قايتا قاراۋدى سۇراعانىن ايتتى. ونىڭ سٶزٸنشە, قۇجاتتا 2030 جىلعى وليمپيادادا مٸندەتتٸ تٷردە جەڭٸسكە جەتۋ تۋرالى تالاپ كٶرسەتٸلگەن.
– بٸز كوماندامەن بٸرگە زاڭدىق تۇرعىدان وسى تارماقتى قايتا قاراۋدى عانا سۇرادىق. ٶيتكەنٸ بۇل قيسىنسىز ەرٸ مٷمكٸن ەمەس تالاپ. مەن 2026 جىلى تەك تٶرت جىلدان كەيٸن ٶتەتٸن وليمپيادانى ۇتا المايمىن عوي. بٸز زاڭگەرلەرگە سۇراق جولدادىق, تارماقتى قايتا قاراۋدى ٶتٸندٸك. بٸراق بٷگٸنگە دەيٸن بٸزبەن ەشكٸم بايلانىسقا شىققان جوق. بۇقارالىق اقپارات قۇرالدارىندا ايتىلىپ جاتقانداي جاعداي بولعان جوق, – دەدٸ چەمپيون.
بەس ايلىق جالاقىسىن قايىرىمدىلىققا اۋدارماق
مەنەرلەپ سىرعاناۋشى سٶز سوڭىندا سپورت شەنەۋنٸكتەرٸ بارلىق قارىزدارىن جاۋىپ, بەس ايدان بەرٸ كەشٸكتٸرٸلگەن جالاقىسىن تولىق تٶلەگەن جاعدايدا, بۇل قاراجاتتى تٷگەلدەي قايىرىمدىلىققا جۇمسايتىنىن مەلٸمدەدٸ.
– ماعان تيەسٸلٸ بارلىق تٶلەمدەر بەرٸلگەن سوڭ, بۇل قاراجاتتىڭ بارلىعىن بالالاردى قورعاۋ كٷنٸنە وراي مۇقتاج بالالارعا كٶمەك كٶرسەتۋگە اۋدارامىن, – دەدٸ شايدوروۆ.
