تۇركىستان وبلىسىندا ورنالاسقان كۇن ەلەكتر ستانساسى – ەلىمىزدەگى كۇن ەنەرگەتيكاسى سەكتورىنداعى «Eni» حالىقارالىق ەنەرگەتيكالىق كومپانياسىنىڭ العاشقى ءىرى ينۆەستيسياسى.
ينۆەستيسيالىق جوبانىڭ جالپى قۇنى 12 ملرد تەڭگەنى قۇرايدى. بۇگىندە وتىرار اۋدانىنداعى ءشاۋىلدىر اۋىلىنىڭ ماڭىندا قۋاتتىلىعى 50 مۆت كۇن ەلەكتر ستانساسىنىڭ قۇرىلىسى بويىنشا جۇمىستار باستالعان. سالتاناتتى راسىمگە يتاليادان ارنايى كەلگەن دەلەگاسيا مەن تۇركىستان وبلىسى اكىمىنىڭ ورىنباسارى مەيىرجان مىرزالييەۆ قاتىستى.
– ەنەرگيانىڭ بالامالى تۇرلەرىن دامىتۋعا، كۇن مەن جەل ەنەرگياسىن پايدالاناتىن تەحنولوگيالاردى بەلسەندى ەنگىزۋ ءۇشىن بارلىق مۇمكىندىك بار. وسى ورايدا، ەلەكتر ەنەرگياسى كوزدەرىن قايتا جاڭعىرتۋ – وبلىس ەكونوميكاسىنىڭ باسىم باعىتتارىنىڭ ءبىرى. تۇركىستان وبلىسىندا 320 مۆت ەلەكتر قۋاتىنىڭ جەتىسپەۋشىلىگى بايقالادى. سوندىقتان، وبلىستاعى قاجەتتىلىكتى قاناعاتتاندىرۋ ءۇشىن بۇگىندە، كۇن جانە سۋ ەلەكتر ستانسيالارىن سالۋ بويىنشا 10 ينۆەستيسيالىق جوبالار ىسكە اسىرىلعان، – دەدى وبلىس اكىمىنىڭ ورىنباسارى.
«Eni» حالىقارالىق كومپانياسى جەرگىلىكتى ەنشىلەس «Arm Wind» ج ش س ارقىلى سالىپ جاتقان ەلەكتر ستانساسى 100 گەكتار اۋماقتى الىپ جاتىر. مۇندا 100 مىڭنان استام فوتوەلەكترلى پانەلدەر، قوسالقى ستانسيا مەن ۇزىندىعى 8 شاقىرىم بولاتىن اۋە ەلەكتر بەرۋ جەلىسى سالىناتىن بولادى.
ەلىمىزدەگى كۇن ەنەرگەتيكاسى سالاسىنداعى «Eni» تاراپىنان قولعا الىنعان العاشقى ءىرى ينۆەستيسيالىق جوباسى العاشقى ەلەكتر ەنەرگياسىن بيىلعى جىلدىڭ 4-توقسانىندا بەرەدى.
2022 جىلدىڭ باسىندا تولىق اياقتالىپ، ەلدىڭ ەنەرگەتيكالىق سەكتورىن بىرتىندەپ دەكاربونيزاسيالاۋعا، ياعني كومىرقىشقىل گازىن ازايتۋعا ءوز ۇلەسىن قوسادى. كۇن ەلەكتر ستانساسىنىڭ ەڭ ءبىر تيىمدىلىگى – اۋانى لاستامايدى، ەكولوگيالىق ءتيىمدى.
تۇركىستان وبلىسىندا «ArmWind» ج ش س، «Hevel كازاحستان» ج ش س، «KZT Solar» ج ش س سياقتى 9 ءىرى كۇن ەلەكتر ستانسياسى جانە 6 سۋ ەلەكتر ستانسيالارىنىڭ قۇرىلىسى جۇرگىزىلۋدە. بيىل تۇركىستان وبلىسىندا 52 ملرد. تەڭگەگە 120 مۆت كۇن ساۋلەسىنەن شىعاتىن ستانسيالاردى سالۋ جوسپارلانعان.
