ەلەمدٸك مۇناي باعاسى 2022 جىلدان بەرٸ العاش رەت باررەلٸنە 100 دوللاردان استى, دەپ حابارلايدى Dalanews.kz
9 ناۋرىزداعى ساۋدا-ساتتىق بارىسىندا Brent ماركالى مۇنايدىڭ باعاسى باررەلٸنە 108,17 دوللارعا دەيٸن كٶتەرٸلٸپ, 17%-عا قىمباتتادى. ال WTI ماركالى مۇنايدىڭ قۇنى 19%-عا ٶسٸپ, باررەلٸنە 107,82 دوللارعا جەتتٸ.
مۇناي باعاسىنىڭ كٷرت ٶسۋٸنە تاياۋ شىعىستاعى جاعدايدىڭ شيەلەنٸسۋٸ ەسەر ەتٸپ وتىر. دەمالىس كٷندەرٸ اقش پەن يزرايل تەگەرانعا, سونىڭ ٸشٸندە مۇناي ساقتاۋ قويمالارىنا جاڭا سوققىلار جاساعان.
سونىمەن قاتار يران ٸس جٷزٸندە ورمۋز بۇعازىن جاۋىپ تاستاعان. بۇل – ەلەمدەگٸ ەڭ ماڭىزدى مۇناي تاسىمالداۋ باعىتتارىنىڭ بٸرٸ. ساراپشىلاردىڭ ايتۋىنشا, دٷنيەجٷزٸلٸك مۇنايدىڭ شامامەن 20%-ى وسى بۇعاز ارقىلى ٶتەدٸ. قازٸرگٸ كەزدە وندا ميلليونداعان باررەل مۇناي مەن سۇيىتىلعان تابيعي گاز جەتكٸزٸلمەي, بٶگەلٸپ تۇر.
وسى جاعدايعا بايلانىستى بٸرٸككەن اراب ەمٸرلٸكتەرٸ مەن كۋۆەيت مۇناي ٶندٸرۋ كٶلەمٸن قىسقارتاتىنىن مەلٸمدەدٸ. ٶيتكەنٸ مۇناي مەن گازدى تۇتىنۋشىلارعا جەتكٸزۋ قيىنداپ, ٷلكەن كٶلەمدٸ ساقتايتىن ورىن جەتٸسپەي وتىر.
ساراپشىلاردىڭ بولجامىنشا, ەگەر ورمۋز بۇعازى ناۋرىز ايىنىڭ سوڭىنا دەيٸن جابىق كٷيٸندە قالسا, مۇناي باعاسى باررەلٸنە 150 دوللاردان اسىپ, جاڭا رەكورد ورناتۋى مٷمكٸن.
