«قازاقستانداعى ينكليۋزيۆتى ءبىلىم بەرۋ ءۇردىسى» دەپ اتالعان كەزدەسۋگە اباي اتىنداعى قازۇپۋ رەكتورى دارحان ءبىلالوۆ، پەداگوگيكا جانە پسيحولوگيا ينستيتۋتىنىڭ ديرەكتورى عاليا ابايەۆا جانە ستۋدەنتتەر قاتىستى.
كەزدەسۋدىڭ ماقساتى – ەلىمىزدەگى پەداگوگيكا سالاسىندا بولىپ جاتقان وزگەرىستەردى ءتۇسىندىرۋ، سۇرانىستاعى ماماندىقتاردىڭ قىر-سىرىمەن ءبولىسۋ، بولاشاق ۇستازدارعا باعىت-باعدار بەرۋ.
ءوز كەزەگىندە رەكتور دارحان ءبىلالوۆ مىرزا ينكليۋزيۆتى ءبىلىم بەرۋدىڭ ماڭىزدىلىعىنا توقتالىپ، مۇمكىندىگى شەكتەۋلى جانداردىڭ ءبىلىم الۋعا قولجەتىمدىلىگىن قامتاماسىز ەتۋ ءۇشىن مەملەكەت تاراپىنان جاسالىپ جاتقان باستامالاردى اتاپ ءوتتى.
ەرەكشە ءبىلىم بەرۋ قاجەتتىلىكتەرى بار بالالاردى وقىتاتىن مەكتەپتەردى جوعارى كاسىبي ماماندارمەن قامتاماسىز ەتۋ ماڭىزدى مىندەت ەكەنىن جەتكىزدى.
ينكليۋزيۆتىك ءبىلىم بەرۋدىڭ تاجىريبەلى ساراپشىسى ايگەرىم كۋدەرينوۆا ستۋدەنتتەرگە ينكليۋزيۆتىك ءبىلىم بەرۋدىڭ ەرەكشەلىكتەرى مەن مۇمكىندىكتەرى تۋرالى جان-جاقتى ايتىپ، ءوز تاجىريبەسىمەن ءبولىستى.
سونىمەن قاتار، ۋنيۆەرسيتەت ستۋدەنتتەرى ەركىن فورماتتا پەداگوگيكالىق ىس-تاجىريبە بارىسىندا جيناقتاعان تاجىريبەلەرى تۋرالى ايتىپ، جالپى جانە ينكليۋزيۆتى بىلىمگە مۇقتاج بالالارمەن قالاي جۇمىس ىستەۋ كەرەكتىگى تۋرالى كوتەرىلگەن سۇراقتار بويىنشا ءوز پىكىرلەرىن ءبىلدىردى.
اباي اتىنداعى قازۇپۋ ينكليۋزيۆتى ءبىلىم بەرۋدى دامىتۋعا لايىقتى ۇلەس قوسىپ كەلە جاتقان ەلىمىزدەگى بىردەن ءبىر وقۋ ورىن.
ماسەلەن، وسى جىلى «دارا» قورىنىڭ قولداۋىمەن ينكليۋزيۆتى ءبىلىم بەرۋدىڭ وقۋ-زەرتتەۋ زەرتحاناسى اشىلدى، وندا وسى سالاداعى ساراپشىلارمەن بىرلەسىپ ينكليۋزيۆتى جانە ارنايى ءبىلىم بەرۋ سالاسىندا زەرتتەۋلەر جۇرگىزىلگەن بولاتىن. بۇگىندە وقۋ ورىندا ستۋدەنتتەردى وقىتۋ جانە جاڭا فورماسياداعى بىلىكتى، پراكتيكاعا باعدارلانعان پەداگوگ كادرلاردى دايارلاۋدا زەرتحانا رەسۋرستارى مەن جاڭا سالالىق تەحنولوگيالاردى پايدالانۋ بارىنشا كۇشەيتىلگەن.
